“Парвоз” акцияси
“Камолот” ЁИҲ вилоят Кенгаши муассислигидаги “Бухоро ёшлари” газетаси қошида ташкил этилган “Парвоз” фаол жамоатчи ёшлар тарғибот гуруҳи томонидан 14 январь – Ватан ҳимоячилари куни муносабати билан “Шу буюк Ватанга қалқон бўлайлик!” шиори остида ёшлар Акцияси ўтказилди.
Замира Саноқулова ҳақида бор гап:
Ёши: 19 да
Интилгани: спорт
Қизиқиши: сухандонлик
Ёқтиргани: рақс
Иштиёқи: расм чизиш
Ҳоббиси: бўш ўтирмаслик
Антиқа ғалабаси: қўлидан тўп чиқиб кетгани
Билмагани: пазандалик
Қизиқиши йўқлиги: тикиш–бичиш
Нияти: уй–рўзғор ишларини ўрганиш
Ўзи: ёқимтой
Феъли: босиқ
Орзуси: эл суйган қиз бўлиш
Зеҳни: ўткир
Фикри: теран
Мақсади: Ўзбекистон ёшларининг қудратини
дунёга кўз–кўз этиш
Бирлашган Араб амирликларида ўсмир футболчилар ўртасида бўлиб ўтган жаҳон чемпионати кўпчиликни ҳаяжонга солгани рост. Ҳар биримиз ёш футболчиларимиз майдонга чиқишганида уларнинг ғалабага эришишларини қаттиқ ҳаяжон билан кутгандик. Бироқ, нимчорак финал ёш футболчиларимиз учун бироз омадсиз кечди. Тўғри, шунда чемпионликка эришган нигериялик ўсмирларга ҳавас билан боқдик, бироқ мағлубиятга учраган ёш ҳамюртларимизни ҳам олқишлаб қўйишни унутмадик, келажакка ишонч билан боқишга, улкан довонлар ҳали олдинда эканлигига ундадик. Чунки, ютқазишса ҳам улар – ўзимизнинг болалар, ўзимизнинг ёш ватандошлар!
Гап шундаки, Ўзбекистон аталмиш бағрикенг бу нурли Ватанда истеъдоду иқтидори бўлган ҳар бир бола, уриб турган ҳар бир юрак юксак қадрланади. Яқинда Президентимиз Ислом Каримов фармонига биноан маънавият, маданий мерос ва умуминсоний қадриятлар негизида юксак ватанпарварлик, халқпарварлик, фидоийлик туйғусини ва меҳнатсеварлик фазилатларини ўзида мужассамлаштирган, Ватанимиз обрўси, шон-шуҳрати ва шарафини юксалтиришга ҳамда унинг халқаро нуфузини оширишга хизмат қилаётган, мамлакатнинг ижтимоий-сиёсий ҳаётида фаол иштирок этиб, намуна кўрсатаётган бир гуруҳ ёшларга “Ўзбекистон белгиси” кўкрак нишони топширилгани бунинг исботидир. Бундан ташқари, илм-фан, спорт, маданият, санъат ва бошқа соҳаларда юксак натижаларга эришган ёшларнинг юксак унвонлар билан ҳам тақдирлангани “Обод турмуш йили”да юртимиз йигит-қизларига кўрсатилган катта шарафдир.
“Менинг боламни интернатингга қабул қиласан!”-бир мансабдорнинг телефон орқали қилган пўписаю тазйиқидан муаллим хафа бўлмади: бундай ҳолатларга кўникиб кетган. Чиранишлар бекор. Нима бўлганда ҳам интернатга фақат муносибларгина қабул қилинади. “Бу ерда эркатойлар эмас, иқтидорлилар ўқийди!” –муаллим Тўхтамурод Жумаевнинг жавоби шу бўлди.
У столидан оғир қўзғалиб, истеҳзоли кулиб қўйганча дераза олдига келди. Узоқ ўйга чўмди. Бир пайтлар: ”Интернат дегани-етим-есирларни ўқитадиган мактаб, бундай мактабга берадиган болам йўқ” дея муаллимнинг ташаббусига ҳар томонлама тўсқинлик қилишга уринган мансабдорлар кўп эди. Шундай пайтларда муаллимнинг иқтидорлилар мактабини ташкил этиш учун кўчама-кўча, уйма-уй юриб, ўқувчи ахтаришига тўғри келди. Афсуски, тумандаги 8-ўрта умумтаълим мактаби қошидаги кўримсиз, таъмирга муҳтож, имконияту шарт-шароити йўқ кичиккина бинога ҳеч ким фарзандини ўқитишни хоҳламади. Ҳатто, баъзилари муаллимни уйдан қувиб солишгача боришди. Устига–устак “интернат” тушунчасини одамлар фақат ота-онаси ҳаёт бўлмаган болалар мактаби сифатида қабул қиларди. Аммо, орадан кўп ўтмай, моддий жиҳатдан бўлмаса-да, маънавий жиҳатдан бой, жўшқин меҳри, чексиз билим салоҳияти билан ўқувчи-ёшларни ўз атрофига тўплай олган Тўхтамурод Жумаев саъй-ҳаракати билан мактаб илк қалдирғочларга оламдек кенг бағрини очди. Batafsil “ОДДИЙ МУАЛЛИМ”НИНГ УЛУҒ ИШЛАРИ
Табрик
Ҳар қандай иморатнинг пойдевори мустаҳкам, кучли бўлса, у кўпга чидайди. Ҳеч қандай таъсир уни емира олмайди. Юрт ўғлонлари Ватан учун ана шундай пойдеворки, уларнинг шарафли хизматлари ила мамлакатимиз қўрғонлари мустаҳкам, сарҳадларимиз тинч. Она Ватанга хизмат қилиш, миллий хавфсизликни ва давлат чегаралари дахлсизлигини таъминлаш, давлатимиз мудофаа қудратини юксалтириш ва жасорат билан хизмат кўрсатиш Сиз ўғлонлар чекида экан, доимо тўрт мучангиз бут, қаддингиз тик, ғурурингиз баланд бўлсин. Ўзини Она юр таянчи, деб билган Сиздек сарлочин мардлик посбонларини оналар дуоси, аёлингиз тилаги, синглингиз ишончи, суйган ёрингиз садоқати ва қизалоқингиз меҳри доимо қўлласин!
Салом менинг қадрдоним, жигарим, дўстим –Акажоним! Хизмат сафари билан қийналмаяпсизми? Ватанимизга астойдил хизмат қиляпсизми? Batafsil Аскар акамга мактуб!
Ўзбекистон Республикаси Қуролли Кучларини ислоҳ қилишнинг асл моҳияти аскарларимизда Ватанга муҳаббат ва садоқатни, юксак маънавий фазилатларни тарбиялаш, касбий маҳоратни ошириш, жанговар тайёргарликни таъминлашдан иборат. Шу эзгу мақсадлар йўлида эътиборингизга ҳавола қилинаётган ушбу шеърий мажмуа аскарларимизга доимий ҳамроҳ ва мададкор бўлади, деган умиддамиз.
ҲАРБИЙЛАР АЛИФБОСИ
А
Ақли расо фарзанднинг, Асли бурчи – ҳимоя! Азиз юртни авайланг, Асранг, бўлинг чўнг қоя!
Б
Батальон байроғини, Баланд тутинг, ботирлар! Бўлинманинг бойлиги, Баҳодирлар, нодирлар!
Бухоро вилояти ҳокими, Олий Мажлис Сенати аъзоси М. Т. Эсановнинг “Туркистон” ва “Молодёж Узбекистана” газеталари мухбири саволларига жавоблари Batafsil ЁШЛАР – ЭРТАНГИ КУННИНГ ҲАЛ ҚИЛУВЧИ КУЧИ
“Дийдор” бекатида янги йилда янги орзуларни ўз мухлисларига армуғон айлаган “Муқимий” номидаги Ўзбек давлат мусиқали театрининг ёш ҳамда истеъдодли актёри
РАСУЛХОН ҚОДИРХОНОВ Batafsil “ТЕАТР АКТЁРНИ ЧАХРЛАЙДИ, КИНО ЭСА ФОЙДАЛАНАДИ”
Одам савдоси- аср муаммоси
Қирғинбарот уруш йилларида одамлар ночорликдан, муҳтожликдан эзилиб, бир парча нонга зор қолганда, ҳамма нарсасини сотганлигини кўп эшитганмиз. Ўшандай оғир йилларда ҳам бор-йўғини сотса-да, аммо ҳеч ким боласининг бешигини сотмаганлиги тўғрисидаги эшитганларимиз ҳам эртак эмас, айни ҳақиқат. Кексалар дилбандининг болалигини аллалаган табаррук бешикни боламнинг боласига, унинг набира- чевараларига буюрсин, деб асрашган. Бу эъзозда, жонсиз ёғоч буюмга нисбатан чексиз садоқатда улуғ ҳикмат бор, миллатимизга хос ўлмас қадрият бор. Batafsil ГЎДАК ҲИДИНИ УНУТГАН ОНА ёки БЕШИК ТЕБРАТУВЧИ ҚЎЛЛАРГА СОЛИНГАН КИШАН
Мамлакатимиз мустақилликка эришганидан сўнг барча соҳалар сингари динга ҳам катта эьтибор қаратилди, нафақат, бизнинг ислом динимиз, балки бошқа динлар ҳам назардан четда қолмади. Ўзбекистон Республикаси Конституциясининг 31-моддасида “Ҳамма учун виждон эркинлиги кафолатланади, ҳар бир инсон хоҳлаган динга эьтиқод қилиш ёки ҳеч қайси динга эьтиқод қилмаслик ҳуқуқига эга, диний қарашларни мажбуран сингдиришга йўл қўйилмайди”- деб белгилаб қўйилгани ҳам фикримизнинг яққол исботидир. Batafsil ҲИЖОБ ЎРАГАН ҚИЗЛАР…
