Бухорода Ўзбекистон давлат байроғи қабул қилинган кун муносабати билан қадимий эски шаҳар бўйлаб 100х18 ҳажмдаги байроқ марши ташкил этилди. Ўзбекистон байроғи остида Миллий гвардия Бухоро вилояти бошқармаси, ички ишлар идоралари, ёшлар ташкилотлари вакиллари ҳамда минглаб аҳоли бирлашишди.

Давлат, ташкилот ёки турли жамоаларнинг рамзи ҳисобланган замонавий байроқларнинг пайдо бўлиши 18-19-асрларга бориб тақалади. Асосан, мустақиллик, миллийлик рамзи сифатида улуғланиб келинади.

Маълумки, Ўзбек халқида илк байроқ темурийлар даврида шаклланган. Унга қадар туркий халқлар, жумладан ўзбеклар ўзига хос рамзий белгилар, туғлар ва байроқлардан фойдаланишган. Ўзбек давлатининг байроғи ва ундаги тимсоллар Амир Темур ҳукмронлиги даврида ривож топган. Темур ва унинг авлодлари ўз байроғи ёрдамида қўшинларини руҳлантирган ҳамда давлатнинг кучини намоён этган. Байроқдаги тасвирлар тарихий манбаларда турлича таърифланади. Ҳар бир ранг қудрат, илоҳий қўллаб-қувватлаш ва тинчликни ифодалаган. Байроқ орқали ғалаба, давлат бошқарувидаги юксак мақсадлар кўзлангани намоён этилган.

Тарихга кўра, Ўрта Осиёда хонликлар пайдо бўлгач, ҳар бир хонлик ўзининг алоҳида байроғига эга бўлган. Бу байроқлар ўзбек халқининг мустақиллиги, давлат ва ҳудудий бирлигини ифодалаган. Мисол учун, Бухоро хонлигининг байроғи кўк ва яшил рангларда бўлиб, унда исломий рамзлар ва араб ёзувлари мавжуд бўлган.

1917 йилда Совет ҳокимияти ўрнатилгач, халқимиз узоқ вақт давомида миллий байроғидан маҳрум бўлди. Ўз тили ва динидан узоқлаштирилди. Қадимий анъаналар ва ўзбек маданиятини йўқ қилишга урунишди. 1925 йилда Ўзбекистон ССР байроғи тасдиқландию аммо, Совет рамзлари билан тўлдирилди.

«Бежизга байроқ – мустақиллик рамзи саналмайди. 1991 йилда Ўзбекистон мустақиллиги эълон қилинггач, давлатимиз яна ўз байроғига эга бўлди. Ўз ғурури ва миллийлигини қайта тиклади. Байроқда қадимий тарих, маданият ва мустақиллик акс этди. Байроқ ўтмишимиз ва эртанги кунимизнинг муқаддас тимсоли экан, уни асраш, нафақат, тарихни ҳурмат қилиш балки, она юрт ва халқ олдидаги бурчга содиқлик, демакдир! Бухоро эски шаҳри бўйлаб ташкил этилган йирик байроқ марши маҳаллий аҳоли, хорижлик сайёҳларга ҳам шукуҳ бағишлади, деб ўйлайман»,-дейди Бухоро вилояти ҳокими ўринбосари Мирали Ҳамроев.

Бухорода Ўзбекистон давлат байроғи қабул қилинган кун муносабати билан қадимий эски шаҳар бўйлаб 100х18 ҳажмдаги байроқ марши ташкил этилди. Ўзбекистон байроғи остида Миллий гвардия Бухоро вилояти бошқармаси, ички ишлар идоралари, ёшлар ташкилотлари вакиллари ҳамда минглаб аҳоли бирлашишди.

Давлат, ташкилот ёки турли жамоаларнинг рамзи ҳисобланган замонавий байроқларнинг пайдо бўлиши 18-19-асрларга бориб тақалади. Асосан, мустақиллик, миллийлик рамзи сифатида улуғланиб келинади.

Маълумки, Ўзбек халқида илк байроқ темурийлар даврида шаклланган. Унга қадар туркий халқлар, жумладан ўзбеклар ўзига хос рамзий белгилар, туғлар ва байроқлардан фойдаланишган. Ўзбек давлатининг байроғи ва ундаги тимсоллар Амир Темур ҳукмронлиги даврида ривож топган. Темур ва унинг авлодлари ўз байроғи ёрдамида қўшинларини руҳлантирган ҳамда давлатнинг кучини намоён этган. Байроқдаги тасвирлар тарихий манбаларда турлича таърифланади. Ҳар бир ранг қудрат, илоҳий қўллаб-қувватлаш ва тинчликни ифодалаган. Байроқ орқали ғалаба, давлат бошқарувидаги юксак мақсадлар кўзлангани намоён этилган.

Тарихга кўра, Ўрта Осиёда хонликлар пайдо бўлгач, ҳар бир хонлик ўзининг алоҳида байроғига эга бўлган. Бу байроқлар ўзбек халқининг мустақиллиги, давлат ва ҳудудий бирлигини ифодалаган. Мисол учун, Бухоро хонлигининг байроғи кўк ва яшил рангларда бўлиб, унда исломий рамзлар ва араб ёзувлари мавжуд бўлган.

1917 йилда Совет ҳокимияти ўрнатилгач, халқимиз узоқ вақт давомида миллий байроғидан маҳрум бўлди. Ўз тили ва динидан узоқлаштирилди. Қадимий анъаналар ва ўзбек маданиятини йўқ қилишга урунишди. 1925 йилда Ўзбекистон ССР байроғи тасдиқландию аммо, Совет рамзлари билан тўлдирилди.

«Бежизга байроқ – мустақиллик рамзи саналмайди. 1991 йилда Ўзбекистон мустақиллиги эълон қилинггач, давлатимиз яна ўз байроғига эга бўлди. Ўз ғурури ва миллийлигини қайта тиклади. Байроқда қадимий тарих, маданият ва мустақиллик акс этди. Байроқ ўтмишимиз ва эртанги кунимизнинг муқаддас тимсоли экан, уни асраш, нафақат, тарихни ҳурмат қилиш балки, она юрт ва халқ олдидаги бурчга содиқлик, демакдир! Бухоро эски шаҳри бўйлаб ташкил этилган йирик байроқ марши маҳаллий аҳоли, хорижлик сайёҳларга ҳам шукуҳ бағишлади, деб ўйлайман»,-дейди Бухоро вилояти ҳокими ўринбосари Мирали Ҳамроев.

Кейинги йилларда мамлакатимизда спортни оммалаштириш, спорт турларини янада ривожлантириш ва спорт инфратузилмасини модернизация қилиш бўйича кенг кўламли ислоҳотлар амалга оширилмоқда. Шу билан бирга ҳозирги вақтда мазкур соҳадаги қонун ҳужжатларига спортдаги коррупциянинг олдини олиш ва унга қарши курашишга қаратилган янги нормаларни киритиш зарурияти юзага келмоқда.

2024 йил 4 ноябрдаги ЎРҚ-988-сонли Қонун билан Ўзбекистон Республикасининг Жиноят кодексига спорт мусобақалари иштирокчилари ва ташкилотчиларининг қонунга хилоф равишда моддий қимматликлар олганлиги ёки мулкий манфаатдор бўлганлиги, шунингдек спорт мусобақалари иштирокчилари ва ташкилотчиларини пора эвазига оғдириб олганлик учун жавобгарликни белгиловчи қўшимчалар киритилди.

Ўзбекистон Республикасининг Жиноят кодекси қуйидаги мазмундаги 2141 ва 2142-моддалар билан тўлдирилди:

«2141-модда. Спорт мусобақалари иштирокчилари ва ташкилотчиларининг қонунга хилоф равишда моддий қимматликлар олиши ёки мулкий манфаатдор бўлиши

Спорт мусобақалари натижаларини ёки уларнинг боришини қасддан ўзгартириш мақсадида спортчининг, тренернинг, спорт ҳакамининг ёхуд спорт мусобақалари бошқа иштирокчиларининг ва ташкилотчиларининг улар бажариши лозим ёки мумкин бўлган муайян ҳаракатни пора эвазига оғдириб олаётган шахс манфаатларини кўзлаб бажариши ёхуд бажармаслиги эвазига қонунга хилоф эканлигини била туриб, моддий қимматликлар олиши ёки мулкий манфаатдор бўлиши, ушбу Кодекснинг 210 ва 214-моддаларида назарда тутилган жиноят аломатлари мавжуд бўлмаганда,

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади.

Ўша ҳаракатлар: а) такроран; б) кўп миқдорда; в) тамагирлик йўли билан; г) бир гуруҳ шахслар томонидан олдиндан тил бириктириб содир этилган бўлса,

базавий ҳисоблаш миқдорининг юз бараваридан уч юз бараваригача миқдорда жарима ёки уч йилдан беш йилгача муайян ҳуқуқдан маҳрум қилиш ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади.

Ўша ҳаракатлар: а) жуда кўп миқдорда; б) уюшган гуруҳ томонидан ёки унинг манфаатларини кўзлаб содир этилган бўлса, базавий ҳисоблаш миқдорининг уч юз бараваридан олти юз бараваригача миқдорда жарима ёки беш йилдан саккиз йилгача озодликдан маҳрум қилиш билан жазоланади.

2142-модда. Спорт мусобақалари иштирокчилари ва ташкилотчиларини пора эвазига оғдириб олиш

Спорт мусобақалари натижаларини ёки уларнинг боришини қасддан ўзгартириш мақсадида спортчига, тренерга, спорт ҳакамига ёхуд спорт мусобақаларининг бошқа иштирокчилари ва ташкилотчиларига улар бажариши лозим ёки мумкин бўлган муайян ҳаракатни пора эвазига оғдириб олаётган шахс манфаатларини кўзлаб бажариши ёхуд бажармаслиги эвазига қонунга хилоф эканлигини била туриб, моддий қимматликлар бериш ёки уларни мулкий манфаатдор этиш, ушбу Кодекснинг 211 ва 213-моддаларида назарда тутилган жиноят аломатлари мавжуд бўлмаганда, —

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади.

Ўша ҳаракатлар:а) такроран;б) кўп миқдорда;в) бир гуруҳ шахслар томонидан олдиндан тил бириктириб содир этилган бўлса, базавий ҳисоблаш миқдорининг юз бараваридан уч юз бараваригача миқдорда жарима ёки уч йилдан беш йилгача муайян ҳуқуқдан маҳрум қилиш ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади.

Ўша ҳаракатлар:а) жуда кўп миқдорда;б) уюшган гуруҳ томонидан ёки унинг манфаатларини кўзлаб содир этилган бўлса, базавий ҳисоблаш миқдорининг уч юз бараваридан олти юз бараваригача миқдорда жарима ёки беш йилдан саккиз йилгача озодликдан маҳрум қилиш билан жазоланади.

Агар моддий қимматликлар берган ёки мулкий манфаатдор этган шахсга нисбатан моддий қимматликлар ёки мулкий манфаат сўраб товламачилик қилинган бўлса ва ушбу шахс жиноий ҳаракатлар содир этилганидан кейин бу ҳақда ўттиз сутка ичида ўз ихтиёри билан арз қилса, чин кўнгилдан пушаймон бўлса ва жиноятни очишда фаол ёрдам берган бўлса, у жавобгарликдан озод этилади».Ушбу Қонун расмий эълон қилинган кундан эътиборан кучга кирди.

Нодир Шаропов,

Бухоро вилоят суди жиноят ишлари бўйича судлов ҳайъати судьяси

Дилмурод Қуллиев,

Жиноят ишлари бўйича Қоракўл туман суди судьяси

Ўзбекистоннинг JSP+ тизимига аъзо бўлиши Европа бозорига йўл демакдир. Халқаро коалиция томонидан ўзбек пахтасига қўйилган байкотнинг бекор қилиниши дунё бозорига “Парвоз Хумо Равнақ транс” МЧЖ томонидан ишлаб чиқарилаётган маҳсулотларни эркин экспорт қилиш имкониятини яратди. Бунда пахта хом ашёсидан тортиб, тайёр маҳсулотгача бўлган ишлаб чиқариш жараёнлари амалга оширилади.

Ҳар бир инсон улғаяйиб, шахс сифатида шакллангач, ўз олдига катта-катта мақсадлар қўяди. Мақсадларининг амалга ошиши учун изланишдан тўхтамайди. Ўзини жўшқин ҳаёт ичига уради. Ўқийди, изланади, интилади, салоҳиятини кучайтиради. Жамиятдан четда қолиб кетмаслик учун жоиз бўлса, ўт, олов бўлиб ёнади. Билими бор, салоҳияти бор, ҳаракати етарличами? Бундайларга мақсадлари йўлида учрайдиган тўсиқлар ҳам, қаршиликлар ҳам писанд эмас!

– Болалагимдан севимли машғулотим китоб ўқиш бўлган. Нафақат, бадиий китоблар, кўпроқ инсонни комилликка етакловчи илмий, психологик китобларни кўп мутолаа қилардим. Пахта далаларида ҳам китоб ўқиб улғайганмиз-да. Ўша даврларда бугунгидек болалик, ёшлик даврлари қаерда эди. “Сени ёшинг кичик, сен ҳали боласан!”-дейишмаган. Қимирлаган жон борки, пахта даласига чиқардик. Эгатларга, ғўза ораларига беркиниб-беркиниб китоб ўқиган кезларимиз ҳам бўлган. Ўшанда болаликда этак-этак пахталаримизни ортиб олиб кетаётган тележкали тракторлар ортидан қараб қолардим. Ғингшимоқчи бўлсак, ота-онамизга қўшиб, ўқитувчиларимиз ҳам “пахта – ризқ-рўз, пахта-уст-бошинг” дердилар. Жимгина бош эгиб, яна пахта теримига қайтардик. Яқин жўраларга, уйдагиларга шу пахталарни “ўзимиз ҳам қайта ишлов бериб, ўзимиз ҳам шунақа уст-бош етиштирсак бўлади-ку” дердим. Саволларим мийиғидаги кулги билан қаршиланиб, жавобсиз қоларди… Катта бўлиб улғайгунимча, болаликнинг шу хаёллари қалбимда кезинди. Кун келиб, хаёлларим мақсадга, мақсадларим амалга кўчди. Ўқидим, интилдим. Изланишдан тўхтамадим! Демак, билимда гап кўп. У ҳар бир соҳа равнақи учун асқотади. Билимсиз, илмсиз мақсадларга эришишни кўзлаганларнинг йўли қисқа, иши унумсиз бўлади. Инсон нимага эришган бўлса – у илмдан, нимани йўқотган бўлса – илмсизликдан. Бор нарсани борида қадрлаб, эришган муваффақиятларимизда баракани кўрдик. Бу баракада халқимизнинг ҳам ҳақи, улуши борлигини бир дафъа унутмадик,-деди “Парвоз Хумо Равнақ транс” МЧЖ таъсисчиси, Олий Мажлис Сенати аъзоси Нурмуҳаммад Очилов.

Ҳа. Асли Олот туманида туғилган Нурмуҳаммад Очилов, 1997 йилда Бухоро озиқ овқат ва енгил саноат технологияси институтини тамомлади. Институтнинг агросаноат комплекси тармоқларида иқтисод ва уни бошқариш, молия ва банклар йўналиши мутахассислигига эга Нурмуҳаммад Очилов бир неча йиллар Бухоро нефтни қайта ишлаш заводи ҳамда “Ўзнефтмаҳсулот” акциядорлик компаниясида фаолият кўрсатди. 2010 йилда эса Ўзбекистон Республикаси Президенти ҳузуридаги Давлат ва жамият қурилиши академияси қошидаги Олий бизнес мактабини сиртдан тугатди.

2013 йилдан бошлаб эса болалигидан ўз олдига қўйган мақсадларининг амалга ошиши йўлида жонфидолик кўрсатди – “Парвоз Ҳумо Равнақ Транс” масъулияти чекланган жамиятини яратиш сайъ-ҳаракатига тушди. Ушбу субъектнинг бўй кўрсатиши йўлида учраган ҳар қандай пиллапояларни бир-бир забт этди.

2017 йилда Давлатимиз раҳбари томонидан ҳудудларда саноатни ривожлантириш, маҳаллий хом ашёдан экспортбоп маҳсулотлар ишлаб чиқариш бўйича “Ургут”, “Ғиждувон”, “Қўқон” ва “Ҳазорасп” эркин иқтисодий зоналарини ташкил этиш тўғрисида” қабул қилинган Фармон айни муддао бўлди. Ва шу йили “Парвоз Ҳумо Равнақ Транс” МЧЖ шаклидаги кўп тармоқли корхона ташкил этилди. Ғиждувон туманидаги умумий ер майдони 9,1 гектардан иборат бўш турган собиқ ип йигирув фабрикаси инвестиция киритиш шарти билан “ноль” қийматда харид қилинди. 2018 йилда эса корхонанинг “оёққа туриши” учун 20 миллион доллар имтиёзли кредитга эга бўлди.

2018 йилдан ўз фаолиятини кенгайтира бошлади. Енгил саноат тармоғига сармоя тиккан ушбу кўп тармоқли корхона аввалига тўқимачилик, кейинроқ тикув-трикотаж маҳсулотлари ишлаб чиқариш тармоғини ривожлантириб келмоқда.

Бугунги кунда ишлаб чиқариш субъектининг тумандаги енгил саноат тармоқларида 600 та иш ўрни яратилган. 2022 йил давомида умумий қиймати 85 миллион АҚШ долларига тенг маҳсулот ишлаб чиқарилган. Шундан 56 миллион АҚШ долларига тенг маҳсулот Россия Федерацияси, Эрон, Туркия, Хитой, Польша ва Қирғизистон каби давлатлардаги ҳамкорлардан тушган буюртмалар асосида экспортга чиқарилган. Фабриканинг тўлиқ қуввати йилига 9 минг 400 тонна ип-калава ишлаб чиқаришга мўлжалланган.

Ўтган йили май ойида мазкур корхона негизида лойиҳа киймати 25 миллион АҚШ долларига тенг бўлган ва йиллик қуввати 10 минг 950 тонна трикотаж ва тўқима матони бўяш ҳамда гул босишга мўлжалланган қувват ишга туширилиши билан 450 та янги иш ўрни яратилган. Айни кунда ушбу фабрика ҳам тўла қувват билан ишга туширилди.

– Корхонамизда 4,5 мингга яқин ишчи фаолият кўрсатади. Ишлаб чиқариш йиллик қуввати 40 минг тоннага мўлжалланган пахта тозалаш заводи, қуввати 12 минг 500 тонна бўлган ип йигирув фабрикаси, 30 минг тонна ип калава тўқуви орқали трикотаж матолар ишлаб чиқариш ҳамда 14 минг 500 тонна қувватга эга тайёр бўёқ ва гул босиш фабрикалари мавжуд. Корхона 2024-2027 йилларда қиймати  22 миллион АҚШ долларига тенг янги лойиҳаларни амалга ошириш эвазига қўшимча 3 мингта янги иш ўрни яратишни режалаштирган. Бунинг натижасида экспорт маҳсулотлари ҳажмини 50 миллион  долларга етказиш кутиляпти,-дейди “Парвоз Ҳумо Равнақ Транс” масъулияти чекланган жамият директори Нурали Боқиев.

Нурали Боқиевнинг сўзига кўра, корхона тўла замонавий технологик ускуналар билан бойитилган. Турли хориж давлатларининг замонавий ип-калава ишлаб чиқариш технологиялари келтириб ўрнатилган. Жумладан, Германиянинг “Trushler”, Швейцариянинг “Rieter” “Luwa”, Япониянинг “Murata” компанияларида ишлаб чиқарилган замонавий дастгоҳлар олиб келинган. Дастлабки даврларда корхонада жами қиймати 27 миллион доллардан иборат инвестиция ўзлаштирилган. Рақамлар салмоғи бугун ошган ва корхонада ривожланиш даражаси юқори. Саъй-ҳаракатлар натижаси баланд.

– Мана, яқинда, 7 минг квадрат метрли 5 қаватли бино қуриб битказилди. Гап шундаки, мазкур МЧЖ негизидаги “Haj tex group” корхонаси қошида алоҳида Тикув фабрикаси ташкил этилди. Айни пайтда 5/1 қисми ишга туширилган бўлса-да, 300 нафардан ортиқ хотин-қизнинг иш билан таъминланишига асосдир,-сўзида давом этади Нурали Боқиев.

Тикув фабрикаси ишчиси Шаҳруза Муҳиддинова ушбу корхонага ишга таклиф қилинганидан мамнунлигини билдирар экан, ўз хурсандчилигини сўзларда ифодалайди:

– Тикиш-бичиш ишларини илгаридан яхши кўраман. Меҳнат маҳсулимни кўрсам, кўнглим қувонади. Ўзим севган иш билан даромад топишим ва оиламга кўмаклашаётганим, оиламга даромад киритаётганим мени янада руҳлантиряпти. Бу ерда ҳамма шароитлар етарли. Самарали меҳнат қилсак, даромадимизга қўшимча ҳақ ҳам тўланади,-дейди.

Кейинги суҳбатдошимиз Мохичеҳра Пўлатова:

– Ҳар гал тикув цехига келганимда, ҳаётимдан мамнун бўламан. Маошлар етарли. Тушлик бепул. Қолаверса, ишчиларни олиб келиб-кетиш учун алоҳида машина ҳам ажратилган. Рўзғорни бут қилиш учун турмуш ўртоғимга кўмаклашай, дер эдиму, аммо ўзимга мос ишни тополмай юргандим. Фабрика ҳақида эшитгач, шу ерга иш сўраб келдим. Қабул қилишди. Тажрибали ишчиларга бириктиришди. Қисқа муддат ичида дастгоҳларни бошқариш сир-асрорини ўргандим. Шундай замонавий корхонада ишлаб, жамиятимизга, рўзғоримга фойдам тегаётганидан хурсандман. Энди болаларимнинг эртасидан ҳам кўнглим тўқ. Барча орзу-ҳавасларимизга етамиз, албатта,-дейди у.

Жамиятнинг бошқа цехлари мисолида фаолият юритаётган маҳаллий ёшлар ва маҳаллий аҳолининг иш билан таъминланиши масаласига қарайдиган бўлсак, ҳозирги вақтда жами 4300 нафардан ортиқ ишчи-ходим меҳнат қилмоқда. Дунёнинг 20 дан ортиқ мамлакати билан ҳамкорлик қилаётган ушбу жамиятда хорижликлар ҳам фаолият юритади.

– 5 йилдан “Парвоз Ҳумо Равнақ Транс”да фаолият юритаман. Ўзбекистонда яшаяпманми, унинг нон-тузини еяяпманми, шунга яраша ризолик ва шукроналик ила ўзбек тилини ҳам мукаммал ўргандим. Мен учун ўзбек тили қадрдон тилга айланди. Корхонада ҳам, кўчада ҳам одамлар билан ўзбек тилида мулоқат қиламан,-дейди покистонлик ишчи Муҳаммад Суфян.

Муҳаммад Суфян сингари бошқа хорижий ишчилар ҳам корхонада талайгина экан. Улар билан ҳам учрашув қизғин мулоқотларга бой бўлди.

Мамлакатимиз иқтисодий салоҳиятини юксалтиришда баҳолиқудрат ҳисса қўшиб, ички ва ташқи бозорга маҳсулот етказиб бераётган, мавжуд имкониятлардан унумли фойдаланган ҳолда фаолиятини барқарор ташкил этиб келаётган Парвоз Ҳумо Равнақ Транс” фуқароларни даромадли қилишда ибрат бўлаётган тадбиркорлик субъектларидан бири сифатида тилга олинади.

“Парвоз Ҳумо Равнақ Транс” МЧЖи хайрли ишларга ҳам бош-қош бўлган. Олот туманида жамият томонидан 145 та оиланинг ҳар бирига Қозоғистон республикасидан келтирилган наслли қорамол тарқатилган. Оғир касаллик билан хасталанганларнинг тиббий муолажалар олишига яқиндан кўмаклашилган. Даромади паст оила фарзандларининг турли олийгоҳларда таҳсил олиши учун тўлов-шартномаси тўлаб берилган.

– Миллатимизга хос фазилатлилик – халққа хизмат қиламан, деган ҳар бир мақсад эгасини ниятига етказсин. Бир мурувватингни ўн қилиб, гўзал дуоларда қайтарадиган бу эл ортиғига муносиб. Шу боис, корхона томонидан амалга оширилган бу сифат ишлар борасида эмас, келгуси кадрлар ҳақида тўхталсам,-дейди корхона таъсисчиси Нурмуҳаммад Очилов,-айни пайтда корхона қошида бепул Дуал таълим тизими йўлга қўйилган. Бунда Бухоро муҳандислик ва технология институти ҳамда бир нечта касб-ҳунар коллежларининг талаба-ўқувчилари ушбу тизим орқали билимларини оширишмоқда. Ҳам амалиёт, ҳам назария, дегандек сабоқлар тажрибали устозлар томонидан олиб борилмоқда. Бу сайъ-ҳаракатлар эртага корхонамизнинг муносиб, ёш кадрлар билан таъминланишига туртки бўлади. Ёшлар – келажагимиз, эртамиз. Шунчаки ўқиб, амалиётдан йироқ бўлмасликлари лозим: илму амалиёти бўлмаган ёшдан фақатгина “робот” чиқади. Уларни бугун ҳар томонлама қўллаб-қувватлаб, билим ва кўникма ҳосил қилсак, бу энг сара натижа. Зеро, келажак учун роботлар эмас, элга елка тута оладиган билимли, тажрибадорлар керак!

Корхона таъсисчиси ҳар бир жиҳатга урғу берар экан, билим ва тажрибани илгари қўйишдан чарчамасди. Дарҳақиқат, билим гап кўп. Пахта хом ашёсидан тайёр маҳсулотгача бўлган ишлаб чиқаришни юқори даражада амалга ошириб, мамлакат тараққиётига қувват бўлиб келаётган корхона пойдевори ҳам айнан билимли ва тажрибали инсонлар ортидан равнақ топиб келаётганига яна бир карра амин бўлдик.

Лайло Ҳайитова

Joriy yilning 26-oktabr kuni soat 10:00 da Olot tumani Arabxona mahalla fuqarolar yig’ini binosida aholini ijtimoiy muammolari yuzasidan Ijtimoiy himoya milliy agentligi Buxoro viloyati boshqarmasi boshlig’i tomonidan sayyor qabul o’tkaziladi.

Unda kam ta’minlangan oilalarga bolalar nafaqasi va moddiy yordam tayinlash, protez ortopediya mahsulotlari va reabilitatsiya qilishning texnik vositalari bilan ta’minlash, nogironlik belgilanishi bo’yicha ma’lumot olishingiz va bu boradagi murojaatingizni yo’llashingiz mumkin.

Бухоро вилояти, Пешкў туманидаги Зандани МФЙ Кўкча қишлоғи, 28-уйда яшаб, 2024 йил 29 август куни вафот этган Ҳамроев Ёриқул Чориевичнинг мол-мулкига №4-2003-24-00374-сонли далолатнома билан мерос иши очилди. Шу муносабат билан унинг меросхўрларидан мерос гувоҳномаларини расмийлаштириш учун 1 ой муддат ичида нотариал идорага мурожаат қилишлари сўралади.

Bugungi kunda davlatimizning asosiy maqsadlaridan biri kelajak poydevori bo‘lgan yoshlarni huquqiy, maʼnaviy yetuk, mustaqil fikrlovchi barkamol avlod qilib voyaga yetkazishdir. Sababi, mamlakatimizning bugungi va ertangi kunini hal qiluvchi kuch bo‘lib maydonga chiqayotgan yoshlarimiz – bizning ertamiz, kelajagimiz bunyodkorlari hisoblanadi.

Shu munosabat bilan,  Buxoro viloyat Harbiy prokurori polkovnik A.Boboyev, Favqulodda vaziyatlar boshqarmasi boshligʻining òrinbosari polkovnik O.Mirzayev boshchiligida yoshlarni qiynayotgan muammo va takliflarni o‘rganish va kelajagimiz davomchisi bo’lmish yoshlarni vatanparvarlik ruhida tarbiyalash, yetuk mutaxassis bo’lishlarida ko’maklashish maqsadida Afshona texnikumining faollar zalida “Rahbar va yoshlar” uchrashuvi o‘tkazildi.

Uchrashuv ochiq va samimiy muloqot tarzida o‘tib, yoshlar o‘zlarini qiziqtirgan savollarga javob oldilar.

Boshqarma xodimlariga biriktirilgan otaliqqa olingan yoshlar orasidan tengdoshlariga o‘rnak bo‘lgan va ijobiy natijalarga erishgan yoshlar va mahalla yetakchilariga boshqarma boshlig‘ining esdalik sovg‘alari va faxriy yorliqlar topshirildi.

Uchrashuv so‘ngida mehmonlar Abu Ali Ibn Sino muzeyida bo‘lib, tibbiyot tarixi bilan yaqindan tanishdi. Yong‘in qutqaruv va qutqaruv asbob anjomlari ko‘rgazmasi namoyishi o‘tkazildi.

“Buxoro yoshlari” газетаси Таҳририяти Халқ депутатлари Бухоро вилоят Кенгаши ҳузуридаги нодавлат-нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат Фонди томонидан ажратилган грант маблағларига эга бўлди.

Шу муносабат билан “Соғлом ҳаёт-бахтли келажак” лойиҳаси режалари билан танишитириш ва келгусидаги жараёнлар ҳақида батафсил тушунтириш мақсадида матбуот анжумани ўтказилди.

Анжуманда вилоят ҳокимлиги ахборот хизмати, журналистлар ва блогерлар Матбуот ва оммавий ахборот воситалари ходимлари, журналист ва блогерлар, вилоят Спорт бошқармаси, вилоят ИИБ бошқармаси вакиллари иштирок этишди.

Тадбирда Бухоро вилояти Ёшлар ишлари бошқармаси Ахборот таҳлил ва ижро назорати бўйича бош мутахассис Шерзод Нарзуллаев томонидан табрик сўзи билан очилди. Таҳририятга лойиҳани ўтказиш давомида омад ва шижоат тилади:

– “Buxoro yoshlari” таҳририяти доимий газетани нашр эттириш ишларидан ташқари, турли тадбиру танловларда иштирок этишга ҳам улгуради. Газета жамоаси бугун катта бир лойиҳанинг бошида турибди. Ишончим комилки, лойиҳа доирасида ўтказилиши кутилаётган тадбирлар файзли ва самарали бўлади. Ёшлик ва фаоллик сизларни асло тарк этмасин.

Шунингдек, матбуот анжуманида иштирок этган ОАВ ходимлари ҳамда блогерларга эсдалик совғалари тақдим этилди. Креатив тарзда ўтган матбуот анжуманида интерфаол ўйинлар ҳам ташкил этилди

– Бухоро вилоят спорт бошқармаси йил якунига қадар ёшлар ўртасида кўплаб лойиҳа ва учрашувлар ўтказишни режалаштирган. Таҳририят лойиҳаси ҳам айнан йўналишимизга мослиги туфайли ҳамкорликда иш олиб борамиз. Биргаликда яна режалар тузиб, ҳали юзага чиқмаган иқтидор ва истеъдод эгаларини излаб топамиз,- деди Бухоро вилоят спорт бошқармаси ахборот хизмати раҳбари Гулмира Гулямова.

Маълумот ўрнида айтиш жоизки, “Buxoro yoshlari” газетаси “Ёшлар ўртасида соғлом турмуш тарзини тарғиб этиш” асосида “Соғлом ҳаёт – бахтли келажак!” номли лойиҳасини тақдим этиб, 60 000 000 сўм маблағни қўлга киритди.

Ёшлар ўртасида соғлом турмуш тарзини тарғиб қилиш, уларнинг тиббий ва экологик маданиятини ошириш, жисмоний нуқсони бор ёшларни моддий ва маънавий жиҳатдан қўллаб-қувватлаш йўлидаги ишларни кенг ёритишда ОАВ ролини ошириш мақсади кўзланган ушбу лойиҳада барча ёшлар биргаликда, бир тану бир жонликда ҳаракатда бўлади.

Зеро, биз ҳам ёшларнинг келажакдаги имкониятларга йўл очишдан чарчамаймиз.

#Вачач😃

БАЛЛАР ПАСТ БЎЛСА ҲАМ, БАРИБИР, БУХОРО АБИТУРИЕНТЛАРИ БИРИНЧИГА ЧИҚИШДИ😁🤟🏼

Ўзбекистонда ОТМларга кириш имтиҳонлари якунига етди. 46.9 фоиз абитуриентлар ўқишга кириш учун етарли минимал баллни тўплай олмади.

Тест топширган абитуриентларнинг натижалари mandat.uzbmb.uz сайтида эълон қилинди.

Бу йил жами 737 351 нафар абитуриент тест синовларида қатнашди. Бу ўтган йилгидан 151 мингга кам. Рухсатнома чиқарилган 65 243 нафар абитуриент имтиҳонга келмаган. Тестдан четлатилганлар – 94 нафар.

Ҳудудлар кесимида ўртача баллар қуйидагича:

Билимда биринчи ўринни забт этган Бухоро вилояти — 75,9 балл;

Тошкент шаҳри — 74,6 балл;

Фарғона вилояти — 69,9 балл;

Наманган вилояти — 68 балл;

Хоразм вилояти — 68 балл;

Навоий вилояти — 67,2 балл;

Самарқанд вилояти — 67 балл;

Қашқадарё вилояти — 65,9 балл;

Жиззах вилояти — 65,5 балл;

Сурхондарё вилояти — 64,7 балл;

Тошкент вилояти — 64 балл;

Андижон вилояти — 63,5 балл;

Қорақалпоғистон Республикаси — 63,3 балл;

Сирдарё вилояти — 62,8 балл

Тестда қатнашган абитуриентларнинг 345 869 нафари ўқишга кириш учун йиғиш керак бўлган минимал 56,7 баллни ҳам тўплай олмаган. Бу жами абитуриентларннинг 46,9 фоизи.

     Вобкент тумани Шифокор маҳалласида яшовчи Умиджон Тўраев айни дамда 20 ёшни қаршилаган бўлиб, тенгдошларига нисбатан жуда ақлли, мулоҳазали ва тадбиркор йигит. Ота-онаси ташкил этган “Умиджон маркет” савдо дўконини маркетинг ва бозор иқтисодиёти талаблари асосида юритиб келаётган қаҳрамонимизда болаликдан ногиронлик мавжуд. Бироқ бу Умиджоннинг ўқишига, тадбиркорлик фаолияти билан шуғулланиб, ривожланишда давом этишида умуман тўсқинлик қилмайди. Уч ўғилнинг каттаси бўлган Умиджоннинг отаси тадбиркор, онаси эса ҳамшира бўлиб фаолият юритади. Бизнес, ИТ соҳаларига қизиқувчи Умиджон Жасурбек ва Алибек исмли укаларига ҳам ҳозирда компьютер сирларини ўргатиб келяпти. Ўзи эса айни дамда Тошкент давлат Аграр университетининг 1-босқич таҳсилини якунлади.

Умиджонни қийнаб келаётган муаммолардан бири унинг электрон аравачага муҳтожлигидир. Чунки ҳозирда масофавий таълим олаётган йигит дарсларда иштирок этиши, турли ўқув курсларида малака оширишга бориб-келиши учун ҳам бу мосламага эҳтиёжи жуда юқори эди. Туман “Инсон” ижтимоий хизматлари марказига қилинган мурожаат бесамар кетмади. Яқинда унда ўзи истаганидек электрон аравача тақдим этилди. Табиатан мустақил бўлишни хоҳлайдиган қаҳрамонимиз учун аравачанинг берилиши айни муддао бўлди.

Эндиликда Умиджон бемалол ҳаракатланиши, ўз устида ишлаши, ўқув машғулотларига қатнашиши мумкин. Таъкидлаш жоизки, Умдижоннинг тадбиркорлик соҳасидаги таклифлари оилавий савдо шахобчасида тадбиқ этилганидан сўнг, савдо ҳажми 30-40 фоизга ошганининг ўзиёқ, Умиджон кейинги муваффақиятлари янада юксакроқ бўлишидан дарак беради,.