Архив рубрики: Tengdosh

Nigoh, Tengdosh

Таълимга эътибор – келажакка эътибор

Устоз жамиятга учувчи, ҳисобчи, шифокор, тикувчи ва ҳоказо кўпсонли касб-кор эгасини етказиб беради. Демакки, бу касб вакилларига эҳтиром кўрсатиш ва эътироф этиш лозим. Шу жиҳатдан “1-октябрь – ўқитувчи ва мураббийлар куни” муносабати билан Президент Шавкат Мирзиёев соҳа вакиллари билан келгусидаги устувор вазифалар юзасидан мулоқот ўтказди. Давлатимиз раҳбари юртимизда таълим-тарбия соҳасида фаолият юритаётган ходимларни байрам билан қутлар экан, “…Аввало, ўқитувчининг ўзи ҳуқуқий, ижтимоий ва молиявий томондан ҳимоя қилинган ва етарли таъминланиши керак”, дея Янги Ўзбекистонда устозлар қадри ва ҳуқуқий манфаатлари яна баланд бўлиши лозимлигини алоҳида таъкидлади. Педагогларнинг эътибори ҳамиша таълим беришга қаратилган бўлиши ва ортиқча юмушларга жалб қилиш эса “Педагогнинг мақоми тўғрисида”ги қонунга кўра, жавобгарликка тортилишини айтиб ўтди. Ушбу қонун касб эгаларининг ҳуқуқий ҳимоясини ўзида намоён этса, молиявий томонлама қўллаб-қувватлашга ҳам катта эътибор қаратилган. Ўз устида ишлаган ва доимий равишда маҳоратини ошириб борувчи педагоглар саъй-ҳаракати билан улар 10 миллион сўмдан ортиқ маош олиш имконига ҳам эга бўлдилар. Маълумотларга кўра, бу маблағда маош олучилар сони 2020-йилда 102 нафарни ташкил этган бўлса, сўнгги икки йил ичида бу кўрсаткич 5.3 баробарга ошган.

Жонкуяр устозлар меҳнати билан мамлакатимизда таълим йўналишида кўплаб ютуқларга эришиляпти. Жумладан, Ўзбекистоннинг энг олди таълим даргоҳларидан ҳисобланган Президент мактаби ва ижод мактаблари битирувчиларининг 100 нафари дунёнинг ТОП-100 олийгоҳларида таҳсил олишмоқда. Юртимизда бир йилда 310 минг нафар абитуриент талабаликка қабул қилинди. Илмли йигит-қизлар халқаро фан олимпиадаларида 122 та медални қўлга киритишди.

Мулоқот давомида Шавкат Мирзиёев таълим ва педагогика соҳасида эришилган кўплаб ютуқ ва муваффақиятларни фахр билан бирма-бир санаб ўтди. Аммо, соҳада айрим камчиликларни бартараф этиш лозимлиги,  уларнинг ҳал қилиниши борасида ишлар ҳали борлигини таъкидлади. “Қанча ислоҳот қилмайлик, биринчи навбатда ўқитувчининг билими ва касб маҳоратини оширмас эканмиз, сифатли таълимни таъминлай олмаймиз”, – деди Президент.

Таълим камчиликлари тўғрисида сўз борар экан, педагогларнинг малака ошириши шартлигини англаш мумкин. Бу борада ўқитувчиларнинг касб маҳоратини яхшилашга масъулият билан ёндашиш керакли белгиланди. Эндиликда барча малака ошириш марказлари замонавий қиёфага келтирилиши вазифаси берилди. Педагогикани ўргатишга асосланган таълим муассасаларида кадрлар тайёрлаш жараёнига эътибор ортиши таъкидланди. Тажриба ўрнида Андижон ва Бухоро шаҳарларида педагогика институтлари бошқарувида педагогика коллежлари барпо этилади. Бу эса бир неча йилдан сўнг педагог-кадрларнинг ўрни ва мавқеи ҳозиргидан анча ортишига ишора. Фаол педагоглар учун “Касбий ривожланиш куни”, “Касбий ривожланиш соати” ташкил этиладиган бўлди.

Ишонч билан айтиш мумкинки, таълимнинг ривожи учун амалга ошириладиган ислоҳотлар натижасида мамлакатимизда етакчи ўқитувчилар сафи кенгаяди. Ўқувчи ва талабаларнинг китоб ўқиш, таълим олишга бўлган иштиёқи ортади. Айниқса, педагогларнинг ҳам молиявий, ҳам қонуний қўллаб-қувватланиши, ҳатто, уй-жой билан таъминланиши таълим тизими пойдеворини мустаҳкамлашга муносиб такбир бўлади. Бундан ташқари, ёшларга таълим бериш, тарбиялаш, ўз устида ишлаш уларнинг асосий эътибор марказида бўлишини мустаҳкамлайди. Зеро, таълимга эътибор – келажакка эътибор, демакдир.

Рустам Раҳимбоев,                                                       Бухоро давлат педагогика институти ректори ёрдамчиси

Tengdosh, Спорт

​YUKSAK MARRALARNI KO’ZLAGAN O’G’LON

      Inson irodasi, uni hayot sinovlarida toblaydi, sabr bilan jamiyatda oʼz oʼrnini topishga undaydi. Matonat esa, ezgulik ila maqsad sari dadil intilishga, bu yoʼldagi barcha qiyinchiliklarni mardonavor yengish uchun cheksiz quvvat bagʼishlaydi.

Ma’lumki, “Sambo”-sport kurashi turi. Unga kurashning milliy turlaridagi eng samarali usullar asos qilib olingan. XX-asrning 30-yillarida SSSRda paydo boʻlgan.

Bizning bugungi qahramonimiz Saidaliakbar Yusupov 2010-yildan buyon sportnining aynan shu turi bilan muntazam ravishda shug’ullanib kelayotir.

– Ushbu sport turi hayotimning ajralsam bir qismiga aylanib ulgurdi, desam adashmagan bo’laman. Insonning tarbiyasida ota-ona asosiy rolda bo’lsa, uning hayotda kasb-hunarli bo’lib, o’z yo’lini topib ketishida, shubhasiz, ustozlarining o’rni bo’lakcha. Men, dastlabki saboqlarni chinakam fidoyi ustozlarim, ko’plab shogirdlarini yuksak shohsupalarga chiqishida beminnat xizmat qilgan inson Ulug‘bek Raxmonov va Shavkat Baratovlardan olganman. Bu oliyjanob ustoz bilan haqli ravishda faxrlanaman, – deydi biz bilan suhbatda Saidaliakbar.

Bugungi kunga qadar mazkur sport turi bo’yicha 2017 yil 12-16-oktabri kunlari Sеrbiyaning Novisad shaxrida bo’lib o’tgan Sambo sport turi bo’yicha Jaxon chеmpionatida faxrli 2-o’rinni, 2019 yilning 04-07-sеntabr kunlari Janubiy Korеya davlatining Chungju shahrida “Butunjahon o’yinlari”da 80 dan ortiq davlatlar o’rtasida sportning sambo turi bo’yicha bo’lib o’tgan yirik musobaqada faxrli 3-o’rinni, shuningdеk, 2019 yil 18-20-oktabr kunlari Ukraina davlatining Kiеv shahrida “COMBAT JU-JUTSU” sport turi bo’yicha bo’lib o’tgan jahon chеmpionatida faxrli 3-o’rinni egallagan.

U o’qish davomida 2022 yilning 30-31-iyul kunlari Samarqand shahrida bo’lib o’tgan “COMBAT JU-JUTSU” sport turi bo’yicha O’zbеkiston chеmpionligini qo’lga kiritgan. Qolaversa, 2022 yilning 09-11-sеntyabr kunlari Buxoro shahrida bo’lib o’tgan “COMBAT JU-JUTSU” sport turi bo’yicha Osiyo chеmpionatida faxrli 2-o’rinni, 2022 yilning 02-04-dеkabr kunlari Ispaniyaning Barsеlona shahrida “COMBAT JU-JUTSU” sport turi bo’yicha bo’lib o’tgan Jahon chеmpionatida faxrli 3-o’rinni, 2023 yilning 15-18-iyun kunlari Qozoqistonning Alma-ota shahrida “COMBAT JU-JUTSU” sport turi bo’yicha bo’lib o’tgan Osiyo chеmpionatida 1-o’ringa loyiq dеb topildi.

S.Yusupov sportga bo’lgan qiziqishi tufayli 2023 yilda “COMBAT JU-JUTSU” sport turi bo’yicha “Xalqaro toifadagi Hakam” lisеnziyasini qo’lga kiritdi. 2021 yilda sportning sambo turi bo’yicha sport ustasi unvonini qo’lga kiritgan.

– Bu yutuqlar, faqat mening yutuqlarim emas, menga ishonch bildirgan ustozlarim, ota-onamning, har dam yonimda turib, meni qo’llab-quvvatlab turgan barcha qalban yaqinlarimning ham yutug’idir. Ularning ishonchi, daldasi meni har lahza chempion bo’lish, yuksak marralarni qo’lga kiritishimga undaydi. Kelgusida ham O’zbekistonimiz bayrog’ini, ramziy ma’noda aytganda, bundan-da ko’klarga ko’taraman, – deydi u.

Bunday musobaqalarni o‘tkazishdan maqsad: yoshlarni jismoniy tarbiyaga jalb qilish, ular o‘rtasida tajriba almashuvini kuchaytirish, sportchilar va trenerlar mahoratini oshirish, ushbu sport turini yanada rivojlantirish, sog‘lom hamda Vatanimiz ravnaqiga o‘z hissasini qo‘shadigan yosh avlodni tarbiyalash hisoblanadi.

Yuksak marralarni ko’zlagan Saidaliakbarning kelajakda olimpiada o’yinlarida ham g’olib bo’lib, uning shohsupalarida bayrog’imizni dast tutishiga va yurt koriga yaraydigan inson bo’lib yetishishiga ishonamiz.

­Dilnavoz To‘xtayeva                                                                “Buxoro yoshlari” muxbiri

Tengdosh

БИР ҚАТИМ НУР ТАРАТИБ…

 Тонг саҳарда уйқусираган кўзларини ишқалаб ҳовлига чиққан Улуғбек ака гилам тўқув дастгоҳи олдида бир қизалоқни кўриб, аввалига ҳайрон қолди. Кейин зимдан кузатди. Қизалоқ дастгоҳнинг чилқатимларини (қирқип) нозик ва нафис бармоқчалари билан гиламтароқ ёрдамида тарар, сўнгра дастгоҳ тўқмоқчаси билан уни оҳиста-оҳиста уриб қўярди. Улуғбек ака кулимсираганча турмуш ўртоғи Зулхумор опани имлади.

-Вой, ўзимизнинг Маржонаку, қўшни Комилжон аканинг эркатойлари,-деди Зулхумор опа қизалоққа кўзи тушиб.

Маржона мунчоқ кўзчаларини пирпиратганча салом бера солиб, “Мен гилам тўқувчи бўлмоқчиман!”-деди. Batafsil БИР ҚАТИМ НУР ТАРАТИБ… →

Tengdosh

ИҚТИДОРЛИ ТАЛАБА ЮТУҚЛАРИ

Сенинг тенгдошинг

Баҳодир Жўраев Тошкент давлат Стоматология институти Бухоро филиалининг 4-босқич талабаси. 2014-2015 йилларда “Камолот” стипендияси соҳиби, 2015-2016 ўқув йилида Ибн Сино номидаги давлат стипендияси совриндори бўлди. Инглиз ва рус тилларида бемалол сўзлаша оладиган Баҳодирнинг ижтимоий ва тиббий мавзуларга илмий мақола ва тезислари республика ва қатор хориж босма нашрларида чоп этилган. Batafsil ИҚТИДОРЛИ ТАЛАБА ЮТУҚЛАРИ →