Яқинда Республика суд-тиббиёт илмий-амалий маркази Бухоро филиалида лаборанткалари ўртасида “Йилнинг энг яхши лабаранткаси” кўрик танлови бўлиб ўтди.

Республика суд-тиббиёт илмий-амалий маркази Бухоро филиали бош ҳамшираси Лобар Рўзиева иштирокчиларни танлов шартлари билан таништириб, омад тилади.

танловнинг вилоят босқичида иштирок этган 6 нафар қатнашчи қуйи босқичларда энг билимли, маҳоратли ва чаққон лаборантлар, деб топилишган.

5 та шарт асосида уюштирилган кўрик-танловда иштирокчилар маҳорат ва билимлари, шунингдек, иқтидор ва салоҳиятларини намоён этишди.

Соҳа мутахассисларидан ташкил топган ҳакамлар ҳайъати томонидан иштирокчилар одилона баҳолаб борилди.

Айтиш ўринлики, иштирокчилар тиббиёт соҳаси бўйича савол-жавобларга тўлақонли жавоб бериш баробарида, эркин чиқишларда ҳам маҳоратларини синовдан ўтказишиб, томошабинлар олқишига сазовор бўлишди.

“Йилнинг энг яхши лабаранткаси”да 1-ўринни Ҳилола Умарова эгаллаган бўлса, 2-ўринни Мафтуна Ҳомидова қўлга киритди. 3-ўринга эса Робия Атоева муносиб топилди.

Ғолиб ва иштирокчилар тадбир сўнгида эсдалик совғалари билан тақдирланишди.

Кўрик-танловнинг республика босқичида иштирок этишга муяссар бўлган Ҳилола Умаровага омад тилаб қоламиз.

Розия Бақоева,

Бухоро тиббиёт институти АРМ ходими.