Архив рубрики: Istiqlol farzandi

ИСТЕЪДОД ВА ИНТИЛИШ БИРЛАШСА, МУВАФФАҚИЯТ ЖОЙ ТАНЛАМАЙДИ

Чидам ва йиллаб меҳнат натижасида ҳам соғлом бўласиз, ҳам ғолиблик нашидасини ҳис қиласиз. Бунда, албатта, спорт ва соғлом турмуш тарзининг ўрни беқиёс. Ҳа, спорт инсонга ана шундай бойликларни туҳфа этади. Сабр ва ортга қайтмаслик талабияти билан ҳаммасига бирма-бир эришиш йўлини беради. 

Бухоролик Асадбек Бозоров бугун кўпминг сонли Ўзбек тенгдошлари қатори Америка қўшма штатларида таҳсил олмоқда. Спортга ҳам иштиёқи баланд. У ҳар нафасда спорт билан яшаб келмоқда. Ютуқ ва муваффақиятлари бисёр. Келинг, яхшиси, бу ҳақда тенгдошимиз сўзларини ўзидан эшитайлик!

Асадбек билан суҳбатимиз болалик йилларини эслаш билан бошланди:

– Болалигим Бухорода, бобом ва бувим бағрида ўтган. Бобом сабабчи бўлиб, 10-12 ёшимгача спортнинг кураш тури билан шуғулланганман. Кейинчалик оиладаги етишмовчиликлар ва бошқа айрим муаммолар туфайли бошқа жойда истиқомат қилишга мажбур бўлганмиз. Шу сабабли бир муддат спорт билан шуғуллана олмадим… Бу эса менга тинчлик бермас, эртаю-кеч спортга қайтиш иштиёқида юрагим ёнарди-ю, бола кўнглим билан вазиятни англаб, оиламиз катталарига айта олмасдим. Мана, шу спорт билан шуғуллана олмаганим икки йилда худдики, ич-ичимдан аллақачон катталардек улғайиб қолгандим. 14 ёшимда эса болалик изтиробларим ортга чекинди: мен яна спортга қайтдим. Яна ўзлигимни топа бошладим. Таэкwон-до ITF спорт йўналиши сирларини ўргана бошладим. Бутун вужудим билан яна спортга шўнғидим. Бугун эса спорт – менинг ҳар кунлик асосий машғулотимга айланган. Ҳаётимни бир лаҳзасини ҳам спортсиз тасаввур қила олмай қолдим. Спорт билан бир бутун эканлигимни ҳис қилдим,-деди Асадбек Бозоров.

Бухоро шаҳридаги 17-умумий ўрта таълим мактабини тугатган Асадбек йиллар мобайнида спортдаги тинимсиз машғулотлари, соатлаб уринишлари эвазига кўплаб ютуқларга эришди. Ҳар сўзида: “Мени ота-онам дуоси қўллайди!”-дейишдан чарчамайдиган Асадбек ҳақииқатан ҳам отаси Азамат ака Раҳимов, онаси Матлуба Аҳадоваларнинг дуоси билан ғалаба чўққиларини забт эта бошлади.

У илк ютуқни 2015 йилда “Бухоро Кубоги” мусобақасида 3-ўрин эгаллаб, қўлга киритган. Худди шу йили Тошкентда Ўзбекистон саралаш мусобақаси ҳамда “Қарши кубоги”да 1-ўринга, 2016 йилда Белоруссияда бўлиб ўтган Жаҳон кубогида 3-ўринга муносиб топилди. 2017 йилда Ўзбекистон спорт устаси номзодига муносиб кўрилгани энг катта ютуқларидан бири бўлди. Қолаверса, ўз йўналиши бўйича қора белбоғ соҳибига айлангани унинг спорт оламидаги зафарли муваффақияти саналади. Бу муваффақиятлар уни 2018 – 2022 йилларда қатор мусобақаларда ҳакамлик қилишигача етаклади.

Соғ танда-соғлом ақл, дейишади. Асадбек спортдан ташқари, хорижий тилларни ўрганишга қизиқиб, 2021 инглиз тили бўйича IELTS сертификатини 7 балл билан қўлга киритди.

– Ота-онам дуоси, устозларим таълим-тарбияси муваффақиятларимга пойдевор бўлди. Ҳар бир ғалабам, муваффақиятларимда улар дуосини ҳис қиламан,-дея сўзида давом этади Асадбек, – 2022 йилда Бухоро Давлат университетининг бакалавр босқичини таржимон ва гид соҳасида тугатиб, шу йилнинг ўзидаёқ Американинг Кентуcкий штатидаги нуфузли Муррай Стате университетига Халқаро бизнес йўналишига қабул қилиндим. Шукурки, Америкада ёлғиз эмас эдим. New York штатида мени қариндошларим кутиб олишди 2022 йилнинг декабрь ойидан илмларимни мустаҳкамлай бошладим. Кейинчалик эса ўқишимни Оҳио штатидаги бошқа университетга кўчирдим.. Шу билан илм ва спорт йўлида бўлган мусофирчиликдаги ҳаётим остонасига катта бурилишлар билан киришни бошладим. Америкадаги илк ютуғимни катта ҳаяжон билан эслайман. Нешвилл шаҳрида Takewon-do бўйича турнир ўтказилди. Мен ҳам турли давлат спортчилари саф тортган иштирокчилар қаторидаман. Юрагимда: “Мен ғалабага эришишим ва Ўзбекистон байроғини кўтаришим керак!”-деган қатъият гупирарди. Шундай бўлди ҳам. Турнир ҳаками қўлларимни ғолибликка даст кўтарар экан, шу топда елкам узра ҳилпираган давлатимиз байроғини ўпдим. Беихтиёр кўзларим ёшланди. Ва ана шу муваффақиятдан бошлаб, менда илм ва спорт пиллапояларига кўтарилиш мақсади янада илгарилади. Тўғри, бугун ота-онам бағридан узоқда, бухоролик дўстларим даврасидан йироқдаман. Бироқ, мен яқин ва яхшиларимни режаларим, ҳар бир орзу ва ғалабаларим бошида кўраман ва бу менга руҳий далда беради.

Асадбек Бухоро билан Америкадаги ўқиш тизимини солиштирар экан, орада жуда катта фарқ борлигини таъкидлайди. Суҳбатдошнинг айтишича, Америка илм даргоҳларида таълим олувчиларни ҳеч қачон махсус форма кийган ёки киймаганлигига қараб муомала қилинмайди. Ҳамённинг катта-кичиклиги эвазига баҳоланмайди. Ҳар кимнинг илм-салоҳияти ва дарсдаги фаоллиги инобатга олинади.

Асадбек: “Бошқа юртда бўлишимга қарамай, ўзимни одамлар орасида бегона ҳис қилмаганман ва бошқа миллат вакили эканим одамлар билан мулоқотимга сира тўсиқ бўлмаган. Кўплаб дўстлар орттирдим, улар мендан маслаҳат ва ёрдамини асло аяшмаган”,-дейди.

– Бу ерда рус, инглиз, тожик ва ўзбек тилларида бемалол суҳбатлашиш имкони бор. Чунки, Америкада илм истаб, зиё истаб келган кўплаб миллатдошлар, қардош халқлар, турли Европа давлатлари ёшлари бор. Ҳар нафас, ҳар қадамда улар билан мулоқотда, ҳамжиҳатликда бўласиз. Яқинда испаниялик спортчи тенгдошим билан танишиб қолдим. Нафақат, спортдаги қарашларимизга, балки, бир-биримизнинг тилимизга ҳам қизиқиб қолдик. Айни пайтда у ўзбек тилини, мен эса испан тилини ўрганаяпман. Биласизми, у мен билан ўзбек тилида, мен эса у билан испан тилида сўзлашяпмиз. Сўзлашувдаги хато ва нуқсонларимизни тузатиб бораяпмиз. Ҳар икки тилнинг ҳам бойлиги ва ҳар иккимизнинг ҳам бири-биримиз тилимизга ошуфталигимиз испан ва ўзбек халқининг қалбан ҳам яқин эканини англатаётгандек, назаримда,-дейди табассум билан Асадбек.

Ҳа, истеъдод ва интилиш бирлашса, муваффақият жой танламайди. Асадбек Америкада илм олиш баробарида спорт билан шуғулланишни ҳам тўхтатиб қўймади. Бунинг натижасида Америкада ўтказилган мусобақада биринчи ўринни қўлга киритди. Ўзининг самарали ҳаракатлари эвазига ҳаётини ютуқлару яқинларининг дуоси билан ёритиб бораётган Бухоро фарзанди ҳали яна кўп марраларни эгаллашига ишонамиз. Бу йўлда уни соғлик ва матонат тарк этмасин, деймиз.

Зулфизар Мавлонова, “BYO” мухбири.

 

 

MUHABBAT TUKLIYEVA — UMIDLI YOSH SPORTCHI

 2024 yil — Yoshlar va biznesni qo‘llab-quvvatlash yili

Yurtimizda sport ravnaqiga, xalqimizni sportga ommaviy tarzda keng jalb etishga, ayniqsa, kelajagimiz egalari bo‘lgan yosh avlodni har jihatdan yetuk va komil insonlar bo‘lib kamolga yetishlariga hukumat darajasida e’tibor qaratilmoqda. Bu kabi sa’y-harakatlar o‘zining ijobiy samaralarini berayotgani quvonarli.

Muhabbat Tukliyeva Buxoro shahridagi 29-ixtisoslashgan davlat umumta’lim maktabining 4-sinfida o‘qiydi. Muhabbat maktabga qadam qo‘ygan ilk kunlaridan shu kunga qadar bilimga chanqoq, tirishqoqligi bilan tengdoshlariga o‘rnak bo‘lib kelmoqda.

— U nafaqat fanlardan a’lo baholarda o‘qiydi, balki sport yo‘nalishida ham bir qator yutuqlarni qo‘lga kiritgan. Uni doimo tengdoshlariga o‘rnak sifatida ko‘rsatamiz, — deydi mazkur muassasaning fidoyi muallimasi Dilrabo Fayzulloyeva.

Muhabbat bolaligidan sportga qiziqib, nafis sport turi bo‘lmish gimnastika bilan shug‘ullanishni boshlab, bugungi kunga kelib bir qator yutuqlarni qo‘lga kiritib, maktab faxri bo‘lib kelmoqda. U bir necha yillardan buyon xalqaro sport musobaqalarida ham faxrli o‘rinlarni qo‘lga kiritib kelmoqda.

Kuni kecha faol singlimiz Ojarbayjonning Boku shahrida o‘tkazilgan “GymStar International Cup” xalqaro musobaqasida o‘z yosh toifasida ishtirok etib, faxrli birinchi o‘rinni qo‘lga kiritib, viloyat ahlini yana bir bor mamnun etdi. Qolaversa, Olmaota shahrida bo‘lib o‘tgan badiiy gimnastika bo‘yicha “Mensulu”, Buxoro shahrida bo‘lib o‘tgan “Жемчужина востокс”, “Золотие минарети”, “Ташкентская осень” ochiq turnirida faxrli 1-o‘rinni, “Финал Кубка России” ochiq turnirida faxrli 2-o‘rinni egallagan singlimizdan umidimiz katta.

Zero, imkoniyatlar mamlakatida har bir dadil qadam o‘zining ijobiy samarasini berishi muqarrar.

Donishmandlar aytganidek:

Umid bilan suqilgan tayoq

Bir kun berar mevayu yaproq. 

Dilnavoz TO‘XTAYЕVA, 

                                              “Buxoro yoshlari” muxbiri

“Энг яхши мақола муаллифи” – Туркияга ижодий сафар сари

Ҳамиша изланиш ва интилишда бўлган шахс ҳаёти давомида мукаммалликка эришиб боради. Ижод, илм, турли лойиҳа ва ғоялар устида ишлаш унинг учун оддий мезонга айланиб қолади. Бу жиҳат эса бундай инсонга нисбатан атрофдагиларнинг ҳам эътиборини тортади, ҳам ҳавасини оширади. Batafsil “Энг яхши мақола муаллифи” – Туркияга ижодий сафар сари

VILOYAT HOKIMI STIPENDIYALARI TOPSHIRILDI    

  Pedagogik texnologiyalarni qo’llagan holda ta’lim-tarbiya sohasida yuqori natijalarga ega maktablar, kollej va akademik litseylar o’rtasida viloyatning eng yaxshi maktabi hamda o’rta maxsus, kasb-hunar ta’limi muassasasi ko’rik-tanlovi g’oliblari hamda fanlarni chuqur o’zlashtirishi, xulq-atvori bilan boshqalarga namuna bo’lgan o’quvchilar viloyat hokimi stipendiyasiga ega bo’lishdi.  Ular tantanali ravishda mukofot va diplomlar bilan taqdirlanishdi.

Batafsil VILOYAT HOKIMI STIPENDIYALARI TOPSHIRILDI    

ИСТИҚЛОЛ ФАРЗАНДЛАРИ

Энг улуғ, энг азиз байрам – Ўзбекистон Республикаси Давлат мустақиллигининг 25 йиллиги яқинлашиб келаётган шукуҳли кунларда қутлуғ айёмга бағишлаб, “Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остида маданий-маърифий тадбирлар ўтказилмоқда.

шщахл Batafsil ИСТИҚЛОЛ ФАРЗАНДЛАРИ

ЮРАГИНГДА ТЕНГСИЗ ВАТАН ЯРАЛСИН..!

Улкан асори атиқалари, меъморий обидалари ила оламни ўзига маҳлиё айлаган, дунё сайқали номини олган Самарқанд, мангу яшил шаҳар Шаҳрисабз, қуёш ўлкаси Хоразм, тарих кўзгуси Термиз, қадимий ва ҳамиша навқирон Бухоро, латиф Қўқон, ўзига хос ўтмишга эга Қарши  каби гўшалари ЮНЕСКО тарафидан инсониятнинг қадимий шаҳарлари сифатида эътироф этилиб энг мўътабар ёдгорликлар сирасига, яъни жаҳон  мероси рўйхатига киритилганининг ўзи шу юртга эҳтиром нишонаси эмасми? Алпомишлар юрти Сурхон, гўзал водийда уч оғайни ботирлардай – Андижон, Фарғона, Наманган; Қорақалпоғистон, Жиззах, Сирдарё, Навоий ва азим Тошкент муҳташам каср – Ўзбекистонинг улуғвор устунларидир. Уч минг йиллик давлатчилик тарихида ўзаро низо ва зиддият, не-не қайғули босқинлару қирғинбаротларни кўрган мушфиқ тарихимиз. Аҳамонийлар, юнон-македон, араб, мўғул босқинчилиги, Чор истилоси… Салкам етмиш йил ҳукмронлик қилган – Шўро салтанатининг миллатимизга етказган моддий ва маънавий зарарини ҳеч бир ўлчамлар билан баҳолаб бўлмайди. Batafsil ЮРАГИНГДА ТЕНГСИЗ ВАТАН ЯРАЛСИН..!