Архив рубрики: Istiqlol farzandi

Istiqlol farzandi

ИСТИҚЛОЛ ФАРЗАНДЛАРИ

Энг улуғ, энг азиз байрам – Ўзбекистон Республикаси Давлат мустақиллигининг 25 йиллиги яқинлашиб келаётган шукуҳли кунларда қутлуғ айёмга бағишлаб, “Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остида маданий-маърифий тадбирлар ўтказилмоқда.

шщахл Batafsil ИСТИҚЛОЛ ФАРЗАНДЛАРИ →

Istiqlol farzandi

ЮРАГИНГДА ТЕНГСИЗ ВАТАН ЯРАЛСИН..!

Улкан асори атиқалари, меъморий обидалари ила оламни ўзига маҳлиё айлаган, дунё сайқали номини олган Самарқанд, мангу яшил шаҳар Шаҳрисабз, қуёш ўлкаси Хоразм, тарих кўзгуси Термиз, қадимий ва ҳамиша навқирон Бухоро, латиф Қўқон, ўзига хос ўтмишга эга Қарши  каби гўшалари ЮНЕСКО тарафидан инсониятнинг қадимий шаҳарлари сифатида эътироф этилиб энг мўътабар ёдгорликлар сирасига, яъни жаҳон  мероси рўйхатига киритилганининг ўзи шу юртга эҳтиром нишонаси эмасми? Алпомишлар юрти Сурхон, гўзал водийда уч оғайни ботирлардай – Андижон, Фарғона, Наманган; Қорақалпоғистон, Жиззах, Сирдарё, Навоий ва азим Тошкент муҳташам каср – Ўзбекистонинг улуғвор устунларидир. Уч минг йиллик давлатчилик тарихида ўзаро низо ва зиддият, не-не қайғули босқинлару қирғинбаротларни кўрган мушфиқ тарихимиз. Аҳамонийлар, юнон-македон, араб, мўғул босқинчилиги, Чор истилоси… Салкам етмиш йил ҳукмронлик қилган – Шўро салтанатининг миллатимизга етказган моддий ва маънавий зарарини ҳеч бир ўлчамлар билан баҳолаб бўлмайди. Batafsil ЮРАГИНГДА ТЕНГСИЗ ВАТАН ЯРАЛСИН..! →

Istiqlol farzandi

ДАСТУРЧИ БЎЛМОҚЧИМАН,

-дейди виртуал оламда соғлом ахборот муҳити яратишни ўз олдига мақсад қилган Адизбек Эргашев.

Адизбек – тенгдошлари маънавий оламини бойитиб, уларнинг интеллектуал салоҳиятини юксалтиришга хизмат қилаётган уддобурро бухоролик ёшлардан бири. У, мана, уч йилдирики, ахборот-технологиялари, дастурий таъминот ҳамда вебишланмалар борасида қатор ишланмаларни амалга ошириб келмоқда. Batafsil ДАСТУРЧИ БЎЛМОҚЧИМАН, →

Istiqlol farzandi

ЖИЗЗАХЛИК ЁШ ҲУНАРМАНД

Фестивалга ёш ҳунармандларнинг ташриф буюргани  диққатга сазовор. Барно Нарзуллаева ҳам мана шундай ёш ҳунармандлардан бири.  Ижтимоий кўмакка муҳтож жиззахлик Барно томонидан мунчоқ тошлардан тайёрланган санъат асарлари кўпчиликни ўзига жалб этмай қўймади.

  • Ҳозирда бисерлардан турли кўринишдаги санъат асарларини тайёрлаб, ундан завқланаман. Руҳим тетиклашади. Жисмоний қувватим ошади. Ўз ҳунарим ва истеъдодим билан тенгдошларимдан ортда қолмай, ютуқ ва муваффақиятларга эришаётганим менинг қувончим, менинг бахтим, – дейди қаҳрамонимиз .
Istiqlol farzandi

ЁШ КАНДАКОР

Туғилган кунимга дугонам совға қилган мўъжаз буюм, яъни нақшинкор лаган мени ҳайратга солди. Дугонамдан қўярда-қўймай, нақшинкор қилиб ўйиб ишланган бу лаганни кимдан олганини сўрадим.

У ушбу санъат асари “Нодир Девонбеги” мадрасасидаги кандакорлик устахонасида ишлайдиган ўртоғи Жасур исмли бола томонидан яратилганини айтди. Batafsil ЁШ КАНДАКОР →

Istiqlol farzandi

ҲАВАС ЧЎҚҚИЛАРГА БОШЛАЙДИ

Бугун ёшлар ҳақида қанча сўзласак кам. Уларнинг билим олиш бўлган иштиёқи, интилиши, ҳаракат ва изланишлари кимни қувонтирмайди, дейсиз?! Сирасиям шу-да: ахир бугунги ёшларнинг билим олишлари, юксак камолот чўққиларини эгаллашлари учун барча шарт-шароитлар етарли. 

Болалигидан спортнинг нафис ва нафосат сифатлари мужассам бадиий гимнастика тури билан шуғулланиб келган Гулноза Алиева ҳам ана шундай имкониятлардан оқилона фойдалана олди. Batafsil ҲАВАС ЧЎҚҚИЛАРГА БОШЛАЙДИ →

Istiqlol farzandi

ПАРВОЗЛАРИ БАЛАНД ҚИЗ

   

     Замира Саноқулова ҳақида бор гап:

Ёши: 19 да

Интилгани: спорт

Қизиқиши: сухандонлик

Ёқтиргани: рақс

Иштиёқи: расм чизиш

Ҳоббиси: бўш ўтирмаслик

Антиқа ғалабаси: қўлидан тўп чиқиб кетгани

Билмагани: пазандалик

Қизиқиши йўқлиги: тикиш–бичиш

Нияти: уй–рўзғор ишларини ўрганиш

Ўзи: ёқимтой

Феъли: босиқ

Орзуси: эл суйган қиз бўлиш

Зеҳни: ўткир

Фикри: теран

Мақсади: Ўзбекистон ёшларининг қудратини

дунёга кўз–кўз этиш

Бирлашган Араб амирликларида ўсмир футболчилар ўртасида бўлиб ўтган жаҳон чемпионати кўпчиликни ҳаяжонга солгани рост. Ҳар биримиз ёш футболчиларимиз майдонга чиқишганида уларнинг ғалабага эришишларини қаттиқ ҳаяжон билан кутгандик. Бироқ, нимчорак финал ёш футболчиларимиз учун бироз омадсиз кечди. Тўғри, шунда чемпионликка эришган нигериялик ўсмирларга ҳавас билан боқдик, бироқ мағлубиятга учраган ёш ҳамюртларимизни ҳам олқишлаб қўйишни унутмадик, келажакка ишонч билан боқишга, улкан довонлар ҳали олдинда эканлигига ундадик. Чунки, ютқазишса ҳам улар – ўзимизнинг болалар, ўзимизнинг ёш ватандошлар!

Гап шундаки, Ўзбекистон аталмиш бағрикенг бу нурли Ватанда истеъдоду иқтидори бўлган ҳар бир бола,  уриб турган ҳар бир юрак юксак қадрланади. Яқинда Президентимиз Ислом Каримов фармонига биноан маънавият, маданий мерос ва умуминсоний қадриятлар негизида юксак ватанпарварлик, халқпарварлик, фидоийлик туйғусини ва меҳнатсеварлик фазилатларини ўзида мужассамлаштирган, Ватанимиз обрўси, шон-шуҳрати ва шарафини юксалтиришга ҳамда унинг халқаро нуфузини оширишга хизмат қилаётган, мамлакатнинг ижтимоий-сиёсий ҳаётида фаол иштирок этиб, намуна кўрсатаётган бир гуруҳ ёшларга “Ўзбекистон белгиси” кўкрак нишони топширилгани бунинг исботидир. Бундан ташқари, илм-фан, спорт, маданият, санъат ва бошқа соҳаларда юксак натижаларга эришган ёшларнинг юксак унвонлар билан ҳам тақдирлангани “Обод турмуш йили”да юртимиз йигит-қизларига кўрсатилган катта шарафдир.

Batafsil ПАРВОЗЛАРИ БАЛАНД ҚИЗ →

Istiqlol farzandi

ОРЗУЛАРИ ЮКСАК НИГОРА

  “Улуғбек” стипендияси соҳиби

Бухоро давлат университетининг География факультети тўртинчи босқич талабаси Нигора Шодиева тиришқоқлиги, интилувчанлиги туфайли жорий йилда “Улуғбек” стипендияси соҳибаси бўлди. Batafsil ОРЗУЛАРИ ЮКСАК НИГОРА →