Vobkent tumanining iste’dodli yosh arxitektori va 3D dizayneri Jamshid Kamolov hozirda erkin freelancer sifatida o’z ishini Amerikadan buyurtmalar olib bajaradi va uning loyihasi asosida Amerikada bir nechta uylar va loyihalar qurilib kelmoqda.                                                                           Avvaliga Jamshid uy sharoitida ishlashga majbur edi, bu esa ko’p noqulayliklar keltirib chiqardi. Shaharda ham mos joy topa olmagan. Ammo, Vobkent tumani Yoshlar ishlari bo’limi boshlig’i Xushnutbek Rajabov unga tumandagi Yoshlar markazi binosidan maxsus xona ajratib berdi va barcha kerakli sharoitlarni yaratib berdi. Bugungi kunda Jamshid Kamolov to’laqonli ishlab, yuqori daromad topmoqda. Shuningdek, u o’z sohasining bilimlarini tuman yoshlariga o’rgatishga tayyor.

Ijodga qiziqadigan odam rivojlanadi, mablag’ga qiziqsangiz uzoqga bormaysiz — deydi Jamshid Kamolov

Qahramonimizning hikoyasi bizga shuni ko’rsatadiki, hech qanday qiyinchiliklar orzularimizga erishishga to’sqinlik qila olmaydi. Siz ham o’z maqsadlaringiz sari intilib, harakat qiling va hech qachon taslim bo’lmang!

Ғиждувон туманидаги Соктаре маҳалла фуқаролар йиғинида томонидан Соктари ҳудудидан Соктаре, Чоробод, Тагиқўрғон, Садриддин Айний, Шўробот, Янгиобод қишлоқлари ўрин олган. Мавжуд барча қишлоқлар ички хўжалик автомобил йўллари «Ташаббусли бюджет» лойиҳаси доирасида 4876 та овоз йиғиб, 1 млрд 360 млн сўм маблағ эвазига асфальтлаштирилган. Бири-биридан бўй талашган дарахтлару, гул чорбоғлар қишлоқлар кўркига кўрк бағишлаган. Турли цех ва ишлаб чиқариш корхоналари, маиший хизмат шахобчаларию тадбиркорлик субъектлари аҳоли хизматида.

«Бухоро давлат университетида ўқув жараёнлари 8 та бинода олиб борилса-да, йилдан-йилга талабгорлар сафи кенгаяётгани бевосита вилоятнинг турли туманларида жойлашган қулай имконият ва шароитга эга ўқув биноларида олийгоҳ филиалларини ташкил этишга чорлади. Шунда биз ривожланиш ва тараққиётда илдамлашаётган Ғиждувон туманининг Соктаре қишлоғини танладик. Аввалига бу қишлоқ туман марказидан икки-уч километр масофа олисда, деган қарашлар бўлди. Бироқ, бунда талаба-ёшлар учун зарур шарт-шароитларнинг етарлилиги, айниқса, аввалги Ғиждувон Транспорт ва Саноат касб-ҳунар коллежининг ўз даврида мустаҳкам барпо этилгани, айнан шу манзилда олийгоҳ филиалини ташкил этиш мақсади устивор бўлди. Айнан шу бинода 1806 нафар сиртқи таълим битирувчи курс талабаларимиз таҳсил олиб, жамиятимизга салоҳиятли кадрлар бўлиб етишди ва жорий йилда илк битирувчи бакалавр ва магистрларга диплом топшириш маросими бўлиб ўтди»,-деди Бухоро давлат университети ректори Обиджон Ҳафизов.

Билдирилишича, Соктаре қишлоғининг қоқ ўртасида манзил топган Олийгоҳнинг мазкур филиалида 2023-2024-ўқув йили давомида сиртқи таълимнинг ўзида 9 та факультетдан 7 минг нафар талаба таҳсил олмоқда. 233 та гуруҳнинг 4334 нафари қизлар, 2577 нафари эса йигитлардан иборат. Таълим жараёнларига 34 та кафедралардан 276 нафардан ортиқ профессор ўқитувчилар жалб қилинган.

Туманимизда Олийгоҳ филиали фаолиятини ташкил этиш ташаббуси мамлакати президенти томонидан маъқуллангач, талаба-ёшларнинг қатнаб ўқиши учун имтиёзли нархларда «Бухоро-Ғиждувон-Соктаре» йўналишида 2 та автобус хизмати йўлга қўйилган. Бошқа вилоятлардан келиб ўқийдиган талабалар учун 68 та аҳоли хонадонлари ва коттеджлар талабалар хоҳиш-истаклари даражасида тайёрланган. 10 ой давомида 2360 нафардан ортиқ талаба квартира ва меҳмонхоналарга жойлаштирилган. 2024/2025-ўқув йилида талабалар учун Соктаре маҳалласида 200 ўринли талабалар турар жойи фойдаланишга топширилган.

«Айни пайтда Соктаредаги олийгоҳ филиалида 8 минг нафар талаба таҳсил олиб келмоқда. Куни кеча 1806 нафар битирувчи бакалаврига диплом топшириш маросими бўлиб ўтди. Ушбу маросимда талаба-ёшлар учун нима керак ва уни қандай кўнгилли ўтказиш лозим бўлса, ўзларининг талаб-истакларидан келиб чиқиб, баҳолиқудрат адо этишга ҳаракат қилдик. Биримиз ҳоким, биримиз ректор, яна биримиз ҳу-у, анови, казо-казо эмас, ёшларга ёшлардек қўшилишиб кетдик. Биз эмас, талаба-ёшлар бизга ёшлик завқини улашишди. Нафақат, битирувчи ва таҳсил олаётган талаба-ёшлар, балки қишлоқ ва маҳаллалардаги оддий-оддий одамларимиз ҳам кайфиятига жуда гўзал ижобий таъсир бўлди, деб ўйлайман. Умид қиламанки, ўқишни тамомлаб, қўлига диплом олган 1806 нафар талаба борки, жамиятимизга салоҳиятли кадрлар бўлиб етишади»,-деди Ғиждувон тумани ҳокими Шерзод Ашуров.

Мамлакатнинг турли вилоятларидан келиб, Ғиждувоннинг чекка қишлоғида ташкил этилган Олийгоҳида таҳсил олаётган талабалар Соктаренинг сўлим иқлими, яшил табиати ва шаҳар шароитидан қолишмайдиган имкониятлари ҳақида сўзлашди.

«Кейинги пайтларда ижтимоий тармоқларда ёшлар ўртасида «мен шаҳарлик, сен қишлоқлик» дея бири-бирини камситадиган ёхуд ўрни келса, ҳақоратомуз сўзлайдиган тенгдошларимиз ҳақида хабарлар тарқалаётганига гувоҳмиз. Мен Тошкент шаҳрида туғилганман. Сўлим Соктаре қишлоғида қўним топган Олийгоҳ филиалида таҳсил олганимдан жудаям бахтиёрман. Бир хонадонда ижарада туриб яшадим. 5 йил давомида оиламдек бўлишди. Ҳатто, дарс соатларимда боламга қараб туришди. Самимий, дилкаш қишлоқ одамларидан кўп нарсани, жоиз бўлса, иш ва ҳунарлар ўргандим. Мен энди сигир соға оламан, қўй-қўзиларга ўт-ўлан териб, гул-гулзорларга қарай оламан, тикиш-бичиш кундалик ишимга айланди. Соктаре ва соктареликлардан миннатдорман, мен бунда ҳам илм, ҳам меҳнат, ҳунар топдим. Бир нарсани дадил айтишим мумкинки, шаҳарда Соктаре қишлоғи шароитини тополмайсиз…»,-деди Эъзоза Алихўжаева.

Сифатли таълим ва юқори салоҳият мамлакатнинг иқтисодий, сиёсий ва маънан юксалиши учун асос бўлиб хизмат қилади. Бунда тажрибали кадрлар сонини ошириш муҳим.

Хабарингиз бор, жорий йилда юртимизда Олий таълимга ўқишга кириш имтиҳонлари 14 июлдан старт олди. Билдирилишича, жами 805 минг нафар абитуриент талаба бўлиш истагида тест синовларида иштирок этади. Batafsil Бош мақсад: сифатли таълим яратиш, малакали мутахассис тайёрлаш →

Жорий йилнинг 20-феврал куни давлат раҳбари раислигида ўтказилган видеоселектор йиғилишида бюджет ташкилотларига 20 минг нафар  банкларга 1 000 нафар ногиронлиги бўлган шахсларни ишга жойлаштириш вазифаси юклатилган эди.

Шундан сўнг электрон сўровнома асосида хатлов ўтказилиб, 73 минг нафар давлат ташкилотларида ишлаш истаги бор ишсиз ногиронлиги бўлган шахсларнинг маълумотлари шакллантирилди.

Уларнинг орасида болаликдан ногиронлиги бўлган, Когон шаҳри Мирзо Улуғбек маҳалласида истиқомат қилувчи Умида опа Раупова ҳам бор. Умида опа 1974-йилда туг;илган бўлиб, ўз вақтида Маданият техникумини кутубхоначилик мутахассислиги бўйича тамомлаган. 23 йил давомида умумий ўрта таълим мактабларида кутубхоначи бўлиб ишлаган.

Қаҳрамонимиз яқинда ногиронлиги бўлган шахслар учун vacancy.argos.uz платформаси орқали эълон қилинган бўш иш ўринларидан бирига ариза топшириб, очиқ танловларда суҳбатдан яхши ўтиб, Когон шаҳридаги 9-умумий ўрта таълим мактабига кутубхоначи лавозимига ишга қабул қилинди.

– Узоқ йиллар давомида соҳам бўйича ишладим, – дейди Умида Раупова. Сўнгги йилларда эса соғлиғим анча ёмонлашиб, ишдан кетишга мажбур бўлган эдим. Даволанишлар натижасида ўзимга келган бўлсам-да, аммо ўзимга мос иш топиш муаммо эди. Ҳудудимиздаги “Инсон” ижтимоий хизматлар маркази ходимлари барча корхона ва ташкилотларда мен каби ногиронлиги бўлганлар учун бўш иш ўринлари эълон қилинганини айтганида қизиқиб кўрдим. Ариза қолдирдим ва суҳбат асосида ишга қабул қилиндим. Бир ўғлим бор. Ҳозирда Тошкент Ахборот технологиялари университетида таҳсил оляпти. Шу ўглимнинг келажаги учун ҳам ишлашим керак. Касал бўлишга, ётиб қолишга ҳаққим йўқ. Иродамни мустаҳкамлашга, мен ҳам жамиятнинг муҳим бўлаги эканлигимни яна бир бора англаб, касаллик билан курашишга айнан мана шу ишим ёрдам беряпти.

Олот тумани “Ўзбекистон” маҳалла фуқаролар йиғинида яшовчи Рўзиқулиевлар оиласини кўпчилик яхши танийди. Бу оилада тўрт фарзанд вояга етган бўлиб, 2002-йилда туғилган Ҳасан Рўзиқулиев тақдир тақозосига кўра биринчи гуруҳ ногирони. Шунга қарамасдан, у ўз матонати, теран тафаккури, ота-онаси ҳамда мураббийларининг руҳий далдаси туфайли спортнинг шахмат тури бўйича паралимпиада мусобақаларида Ўзбекистон чемпиони бўлган. Ҳозирда бу йигит уйда, яқинда бўлиб ўтадиган турнирга пухта тайёргарлик кўрмоқда.

— Ногиронлик яшашдан, ҳаракатдан тўхташ дегани эмас,—дейди Ҳасан Рўзиқулиев.— Кимгадир юк бўлмасдан меҳнат қилиш, мақсад сари дадил бориш керак. Чунки олий мақсад билан яшаш ҳар қандай дард билан курашишнинг энг яхши йўлидир. Бугун туман ҳокими Наргиза Нематова бошчилигида туман “Инсон” ижтимоий хизматлари берилган электрон ҳаракатланадиган аравача менинг ҳаракатланишимни янада осонлаштирди. Бу эса менга спорт мусобақаларига тиайёрланишим учун спорт мактабларига боришга, мураббийлар билан биргаликда тайёрланишимга имкон беради.

Ҳасан Рўзиқулиевнинг шу кунгача фойдаланган аравачаси жуда ноқулай бўлиб, бу унинг ҳаракатланишини ҳам чеклаган. Туман “Инсон” ижтимоий хизматлари марказига мурожаат қилганидан сўнг, соҳа мутахассислари келиб Ҳасаннинг ҳолидан хабар олиб, унга мана шу замонавий, электрон аравачани тақдим этдилар. Хуллас, ибратли оиланинг мақсадлари талайгина, ҳаракатлари ҳам шунга муносиб, Ҳасан Рўзиқулиев эса мусобақалар олдидан машғулотларга жиддий эътибор қаратмоқда.

Ўзбекистон Республикаси Адлия вазирлиги ташаббуси билан 2024 йил 28 июнда вилоятдаги ОАВ вакиллари учун Жондор тумани мисолида адлия органларининг аҳоли муаммоларини “фуқаро-маҳалла-адлия” тизими орқали ҳал этиш фаолияти билан яқиндан танишиш мақсадида пресс-тур ташкил этилди.  

Ўзбекистон Республикаси Президентининг 2024 йил 24 майдаги “Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида”ги ПФ-80-сон Фармони билан жойларда фуқароларнинг ҳуқуқ ва эркинликларига сўзсиз риоя этилишини таъминлаш ҳамда аҳолига давлат ва ҳуқуқий хизматлар кўрсатишни кенгайтириш мақсадида адлия органларининг янги фаолият йўналишлари белгилаб берилди.

Фармонга асосан адлия органлари томонидан аҳолининг кундалик ҳаётидаги ҳуқуқий муаммоларни аниқлаш, таҳлил қилиш ва бартараф этишга қаратилган тизимли ишлар йўлга қўйилмоқда.

Шунингдек, адлия органларининг ҳудудлардаги фаолиятини самарали йўлга қўйиш мақсадида туман (шаҳар) адлия бўлимларига 6 та янги вазифалар юклатилди. Бу борада маҳаллаларда “Адлия куни” ва “Ҳуқуқий тарғибот куни” тадбирларининг ўтказилиши, аҳолига бепул бирламчи юридик ёрдам кўрсатилиши ва уларга ҳуқуқий тушунтиришлар берилиши, ҳуқуқий муаммоларнинг ҳал этиб борилиши каби вазифалар адлия органларининг чинакам халқчил идорага айлантиришга хизмат қилади.

Шу мақсадда Адлия вазирлигининг кўрсатмасига мувофиқ аҳоли муаммоларини “фуқаро-маҳалла-адлия” тизими орқали ҳал этиш бўйича Бухоро тажрибаси ишлаб чиқилиб, амалиётга жорий этилмоқда.           Унга кўра, Фармон ижроси бўйича ишларни намунали ташкил этиш мақсадида туманларда маҳалла фуқаролар йиғинлари танлаб олинди. Уларда уйма-уй юриш, сайёр қабуллар ва тарғибот тадбирлари давомида ҳуқуқий муаммолар аниқланиб, уларни бартараф этиш юзасидан зарур чоралар кўрилди.                                                                               Пресс-тур доирасида Бухоро вилоят адлия бошқармаси томонидан Жондор тумани “Ушот” маҳалласи марказида “Ушот”, “Хумдонак”, “Кўлиён”, “Самончуқ” ва “Шўробод” МФЙлари аҳолиси иштирокида “АДЛИЯ КУНИ” тадбири ўтказилди.                                                       Ушбу тадбирда тегишли давлат идоралари билан ҳамкорликда 5 та маҳалла фуқаролар йиғинининг аҳолиси учун сайёр қабул ўтказилди. Сайёр қабул давомида вилоят адлия органларининг масъул ходимлари томонидан фуқароларга ҳуқуқий тушунтириш ва маслаҳатлар берилди, айрим мурожаатлар ўрганиб чиқиш мақсадида иш юритувга олинди.                                                                       Шунингдек, тадбир давомида фуқароларга давлат ва ҳуқуқий хизматлар (нотариус, ФҲДЁ ва бошқа) сайёр тартибда кўрсатилди. Маҳаллалар аҳолиси учун бўш иш ўринлари ярмаркаси ҳам ташкил этилди-деди Адлия вазирлиги ахборот хизмати раҳбари Севара Ўринбоева.

Маълумки, аҳолининг ҳуқуқий маданиятини ошириш учун, аввало, маҳаллада ишлайдиган ходимларнинг ҳуқуқий билими юқори бўлиши шарт. Эндиликда маҳалла раислари адлия ходимлари ёрдамида ўз ҳуқуқий билим ва кўникмаларини бепул ошириб боради. Шунга кўра, Бухоро тажрибаси бўйича нафақат раислар, балки “маҳалла еттилиги”ни улар фаолиятига оид қонунчилик ҳужжатлари мазмунини тушунтириш бўйича семинарлар ўтказиб борилмоқда. Хусусан, тадбир давомида “Маҳалла ҳуқуқшуноси” лойиҳаси доирасида 5 та маҳалланинг еттилигини ўқитиш ташкил этилди ҳамда ушбу маҳаллаларда ягона ҳуқуқни қўллаш амалиётини шакллантириш бўйича методик ёрдам кўрсатилди.

Шунингдек, Фармонга асосан туман (шаҳар) адлия бўлимлари томонидан маҳаллаларда уйма-уй юриш, сайёр қабуллар, “хонадонбай” тарғибот тадбирлари, аҳолининг “маҳалла еттилиги”га мурожаати, “Адлия куни”, “Ҳуқуқий тарғибот куни” тадбирлари орқали аҳолининг кундалик ҳаётида учраётган ҳуқуқий муаммоларни аниқлаш ва бартараф этиш чоралари кўрилмоқда.

Бугунги кунга қадар аҳоли муаммоларини ҳал этиш бўйича Бухоро тажрибаси асосида туман (шаҳар) адлия бўлимлари томонидан вилоятдаги 180 та маҳалла фуқаролар йиғинларидаги 2,5 мингга яқин хонадонларга уйма-уй кирилиб, 120 дан ортиқ ҳуқуқий муаммолар аниқланди, ушбу муаммоларни бартараф этиш юзасидан маҳаллабай чора-тадбирлар ишлаб чиқилиб, ижрога қаратилди. Уйма-уй юриш давомида фуқароларга 2 мингга яқин ҳуқуқий тушунтириш ва маслаҳатлар берилди. Жойларда 1,5 мингдан ортиқ сайёр давлат хизматлари кўрсатилди.

Шу билан бирга, режа-график асосида ҳафтанинг ҳар чоршанба куни маҳаллаларда “Ҳуқуқий тарғибот куни” тадбирлари ҳам ўтказилмоқда. Ушбу лойиҳа доирасида Фармон қабул қилинган кундан ҳозирга қадар 204 та маҳаллаларда 1850 маротаба ҳуқуқий тарғибот тадбирлари амалга оширилди, 1600 нафар шахсларга, энг аввало, “Темир дафтар”, “Аёллар дафтари”, “Ёшлар дафтари” ва “Ижтимоий ҳимоя ягона реестри”га киритилган фуқароларга бепул бирламчи юридик ёрдам кўрсатилди.

Умуман олганда, адлия ходимлари белгиланган график асосида ҳар қандай об-ҳаво шароитида “маҳаллабай” усулда ўз хизмат вазифаларини бажариши орқали “маҳалла еттилиги”га фуқароларнинг кундалик ҳаётидаги ҳуқуқий муаммоларни ҳал этишга яқиндан кўмаклашилади.

“Адлия куни” доирасида аҳолига Ушот маҳалласида ўрнатилган инфикиоск орқали давлат хизматларидан фойдаланиш тартиби ҳақида батафсил тушунтириш берилди. Ушбу инфокиоск орқали ҳозирда 40 турдан ортиқ давлат хизматларидан маҳалладан туриб онлайн фойдаланиш мумкин, бу эса фуқароларнинг ортиқча оворагарчиликларини олдини олади ҳамда уларнинг вақти ва маблағини тежаш имкониятини беради.

Пресс-тур давомида Жондор тумани адлия бўлими биносида аҳолига хизмат кўрсатиш бўйича яратилган имкониятлар билан яқиндан танишилди. Замонавий шарт-шароитларга эга бўлган бинода адлия бўлими билан бирга давлат хизматлари маркази, юридик хизмат кўрсатиш маркази, ФҲДЁ бўлими ва “Мадад” ННТ ҳуқуқий маслаҳат бюроси ҳам фаолият кўрсатади. Жондор туман адлия бўлими биносида аҳолига бир жойнинг ўзида давлат ва ҳуқуқий хизматлар кўрсатиш учун барча шарт-шароитлар яратилган.