Sport orqali tarbiya, tarbiya orqali millatning ertangi kuni yaratilmoqda…

Yangi O‘zbekiston taraqqiyoti tobora tezlashayotgan bugungi davrda yoshlar tarbiyasi, ularning jismoniy va ma’naviy kamoloti davlat siyosatining eng asosiy ustunlaridan biriga aylangan. Mamlakatda ilk bor o‘tkazilayotgan Prezident Olimpiadasining tantanali ochilishi esa bu yo‘ldagi eng muhim tarixiy voqealardan biri bo‘lib, sport sohasida mutlaqo yangi bosqich boshlanganini anglatadi.

Batafsil Prezident Olimpiadasi: Yangi O‘zbekistonning g‘alaba falsafasini yaratadigan buyuk maktab →

Греция ҳукумати таълим тизимига сунъий интеллектни кенг жорий этиш мақсадида ўрта мактаб ўқитувчилари учун махсус AI тренингларини бошлади. OpenAI билан тузилган келишувга кўра, 20 та мактаб ўқитувчилари ChatGPT’нинг таълимга мослаштирилган версиясидан фойдаланишни ўрганмоқда. Бу ҳақда «The Guardian» нашри маълум қилди.

Batafsil Грецияда ўқитувчилар сунъий интеллект бўйича махсус тренинглар орқали ўқитилмоқда →

Садоқат Сиддиқова,

Бухоро давлат Техника университети ректори:

Мен 1995–1999 йилларда мен Бухоро давлат университетининг амалий математика ва информатика йўналишида таҳсил олганман. Кейинчалик Бухоро техника университетида “Компьютер тармоқлари” бўйича магистратурани тамомладим. Устозларимнинг барчаси мустаҳкам билим ва инсонпарварлик тамойилларига содиқ, ўз ишининг усталари эдилар. Хусусан, Аллоевнинг қатъияти, Исмоиловнинг ҳалоллиги ва раҳматли Аҳмедовнинг самимияти менга катта таъсир қилган. Уларнинг талабчанлиги ва профессионализми бизгаб нафақатб фан, балкиб ҳаёт мезонларини ҳам ўргатди.

Физика-математика факультетидаги таҳсил йилларим менга аниқ фикрлаш ва амалий ёндашувни сингдирди. Амалий математика назарий билимни ҳаётга татбиқ этиш санъати эканини ўша пайтда англадим. Шу боис, бугунги фаолиятимда ҳар бир қароримни амалий натижага йўналтиришга интиламан. Устозларимдан олган билим ва маънавий сабоқлар мен учун беқиёс меросдир. Ҳанузгача талабалик давримда тузган конспект дафтарларимни меҳр билан асраб келаман. Талабаликнинг биринчи куниданоқ ҳар биримизга катта умид ва ишонч билан қаралганини ҳис қилганман. Охирги курсда диплом қабул қилиш маросими эса ўша меҳнат ва орзуларимнинг натижасига айланган завқли, ҳаяжонли лаҳза бўлган.

Batafsil “ЭРТАНГИ МУВАФФАҚИЯТ – БУГУНДАН БОШЛАНАДИ” →

Маълумки, бугунги кунда меҳнат миграцияси – жаҳон миқёсида иқтисодий тараққиётни таъминлашда муҳим стратегик омилга айланган. Словениянинг Бандлик хизмати бош директори ва Дунё давлат бандлик хизматлари ассоциацияси президенти Грета Метка Барбо Шкербич хонимнинг Бухорога расмий ташрифи ана шу долзарб масала юзасидан муҳим қарорга сабаб бўлди.

Batafsil Бухорода халқаро меҳнат ҳамкорлиги: Европага йўл очилди →

Jamiyat rivojlanishining asosiy xususiyatlaridan biri – o‘qituvchilar ma’naviy hayotini ijobiy jihatlar bilan boyitmasdan, dunyoqarashini o‘zgartirmasdan va ularning ma’naviy ehtiyojlarini qondirmasdan yangi g‘oya va qarashlarni, yanada yuksakroq ehtiyojlarni hosil qilib singdirib bo‘lmasligidir. Ehtiyojlari o‘smaydigan, g‘oyalari yangilanmaydigan jamiyatda rivojlanish va yuksalish bo‘lmaydi. Demak, Uchinchi Renessans poydevorini yaratishning muhim omillaridan biri – o‘qituvchi ma’naviy ehtiyojlarini yuksaltirish, qondirish va yangi ehtiyojlar vujudga kelishiga shart-sharoitlar yaratishdir.

Batafsil UCHINCHI RENESSANS– O‘QITUVCHI MA’NAVIY EHTIYOJLARINI YUKSALTIRISH →

Байроқ – давлат, ташкилот ёки турли жамоаларнинг рамзи ҳисобланади. Унда маъно англатувчи ранглар, турли шакллардан фойдаланилади. Маълумотларга кўра, замонавий байроқларнинг пайдо бўлиши 18-19-асрларга бориб тақалади. Асосан мустақиллик, миллийлик рамзи сифатида улуғланиб келинади.

Ўзбек халқида илк байроқ темурийлар даврида шаклланган, десак адашмаган бўламиз. Унга қадар туркий халқлар, жумладан ўзбеклар ўзига хос рамзий белгилар, туғлар ва байроқлардан фойдаланишган. Ўзбек давлатининг байроғи ва ундаги тимсоллар Амир Темур ҳукмронлиги даврида ривож топган. Темур ва унинг авлодлари ўз байроғи ёрдамида қўшинларини руҳлантирган ҳамда давлатнинг кучини намоён этган. Байроқдаги тасвирлар тарихий манбаларда турлича таърифланади. Ҳар бир ранг қудрат, илоҳий қўллаб-қувватлаш ва тинчликни ифодалаган. Байроқ орқали ғалаба, давлат бошқарувидаги юксак мақсадлар кўзлангани намоён этилган.

Йиллар ўтиб Ўрта Осиёда хонликлар пайдо бўлгач, ҳар бир хонлик ўзининг алоҳида байроғига эга бўлган. Бу байроқлар ўзбек халқининг мустақиллиги, давлат ва ҳудудий бирлигини ифодалаган. Мисол учун, Бухоро хонлигининг байроғи кўк ва яшил рангларда бўлиб, унда исломий рамзлар ва араб ёзувлари мавжуд бўлган.

1917 йилда Совет ҳокимияти ўрнатилгач, халқимиз узоқ вақт давомида миллий байроғидан маҳрум бўлди. Ўз тили ва динидан узоқлаштирилди. Қадимий анъаналар ва ўзбек маданиятини йўқ қилишга урунишди. 1925 йилда Ўзбекистон ССР байроғи тасдиқландию аммо, Совет рамзлари билан тўлдирилди.

Бежизга байроқ – мустақиллик рамзи саналмайди, албатта. 1991 йилда Ўзбекистон мустақиллиги эълон қилинггач, давлатимиз яна ўз байроғига эга бўлди. Ўз ғурури ва миллийлигини қайта тиклади. Байроқда қадимий тарих, маданият ва мустақиллик акс этди. Мана 33 йилдирки, тинчликни ва мовий осмонни, поклик ва ёруғ келажакни ифодалаб келмоқда. Ютуқ ва марраларга бошлаб, жаҳонда ҳилмирамоқда.

Байроқ ўтмишимиз ва эртанги кунимизнинг муқаддас тимсоли. Аждодлар иродаси, миллий куч ва ақл-идрокни ўзида сақлайди. Уни асраш нафақат тарихни ҳурмат қилиш балки, она юрт ва халқ олдидаги бурчга содиқлик, демакдир!

Маҳбуба Болтаева,

Бухоро давлат Педагогика институти ўқитувчиси.

Ўзбекистон Республикасининг 03.07.2018 йилдаги 482-сонли “Медиация тўғрисида”ги Қонунига мувофиқ, медиация – келиб чиққан низони тарафлар ўзаро мақбул қарорга эришиши учун уларнинг ихтиёрий розилиги асосида медиатор кўмагида ҳал қилиш усули ҳисобланади.  Batafsil Бухорода қарздор ота фарзанди таъминоти учун 5000 АҚШ доллари тўлади →

Олий Мажлис Қонунчилик палатасидаги ХДП фракциясининг навбатдаги йиғилишида муҳокама қилинган қонун лойиҳасига кўра, хусусан, ахборот тизимларидан олиш имконияти яратилгани учун давлат ташкилотлари ва хўжалик бирлашмалари томонидан шахсини тасдиқловчи ҳужжатлар ва меҳнат дафтарчаларни ҳамда жамғариб бориладиган пенсия дафтарчасини талаб қилиш бекор қилиняпти.

Фракция аъзолари қонун лойиҳаси билан партия электорати учун қатор енгилликлар берилаётгани, ортиқча оворагарчиликларнинг олди олинаётганини таъкидлаб, уни янада такомиллаштириш юзасидан фикр-мулоҳаза ва таклифлар беришди.

Савол-жавоблардан сўнг қонун лойиҳаси фракция аъзолари томонидан маъқулланди.

Йиғилишда, шунингдек, «Халқаро меҳнат ташкилотининг ҳақ тўланадиган таътиллар тўғрисидаги 132-сонли Конвенциясини (Женева, 1970 йил 24 июн) ратификация қилиш ҳақида»ги қонун лойиҳаси ҳам муҳокама қилинди.

Қайд этилишича, Конвенциянинг асосий мақсади — барча ишлайдиган ходимларга дам олиш ва ишлаш қобилиятини тиклаш учун иш ўрни (лавозими) ҳамда ўртача иш ҳақи сақлаб қолинган ҳолда ходим ишдан озод этиладиган, ходимга ҳар йили иш йили давомида бериладиган таътилларни таъминлашдан иборат.

Фракция аъзолари Конвенциянинг ратификация қилиниши миллий қонунчиликни янада такомиллаштиришга, шу жумладан, дам олиш ва ҳақ тўланадиган таътиллардан фойдаланиш ҳуқуқларини таъминлаш бўйича халқаро стандартларни самарали жорий этишга хизмат қилишини алоҳида қайд этиб, уни қўллаб-қувватладилар.

Кун тартибига киритилган бошқа масалалар ҳам кўриб чиқилди ва тегишли қарор қабул қилинди.

Бухоро шаҳрида такси ҳайдовчисини ўз яшаш хонадони ёнигача олиб борган мижоз, уни пичоқлади. «Xabar.uz» га манбасига кўра, такси ҳайдовчиси ва мижоз ўртасида йўлкира устида ўзаро келишмовчилик келиб чиққан.

Таъкидланишича, жорий йилнинг 9 июль куни Бухоро шаҳрида яшовчи фуқаро Р.Н. йўлдан ўз яшаш хонадонига бориш учун такси тўхтатган. Асли Шофиркон туманилик такси ҳайдовчиси Н.А. мижозга автомашинасини тўхтатган ва кира ҳақини ўзаро келишишган. Шундан сўнг такси ҳайдовчиси мижозни унинг яшаш манзилигача олиб борган. Бироқ, мижоз ёнида келишилган миқдордаги пули йўқлигини рўкач қилган ва такси ҳайдовчиси билан ўзаро келишмовчиликка борган. Мижоз такси ҳайдовчисига пул керак бўлса, унга уйигача чиқишини билдирган. Н.А. мижозни унинг хонадони эшиги олдида кутишга мажбур бўлган. Ҳаял ўтмай, мижоз уйидан қўлида пичоқ билан чиққан ва кутилмаганда, такси ҳайдовчисининг елка қисмига пичоқ санчган. Ҳайдовчи воқеа жойида ҳушини йўқотган. Кўп вақт ўтмай, ҳолатга қўни-қўшнилар воқиф бўлишган ва зудлик билан «Тез ёрдам» чақиришган. Такси ҳайдовчиси оғир аҳволда Бухоро шаҳар марказий касалхонасига келтирилган. Тиббий ходимлар томонидан жабрланувчига зарурий тиббий муолажалар кўрсатилиб келинмоқда, ҳозирда беморнинг аҳволи қониқарли.

Маълум бўлишича, Р.Н. бир неча маротаба судланган ва хавфли рецедивист сифатида рўйхатда турган бўлган.

Бухоро вилояти Ички ишлар бошқармаси Ахборот хизмати бошлиғи Шуҳрат Жалоловнинг билдиришича, мазкур ҳолат юзасидан Ўзбекистон Республикаси Жиноят Кодексининг 277-моддаси 2-қисми билан жиноят иши қўзғатилиб, гумон қилинувчига нисбатан «қамоққа олиш» тарзидаги эҳтиёт чораси қўлланилган. Бухоро шаҳар Ички ишлар органлари фаолиятини мувофиқлаштириш бошқармаси Тергов бўлими томонидан дастлабки тергов ҳаракатлари олиб борилмоқда.

«Тергов ҳаракатлари тўла ва холисона олиб борилиб, жиноят учун жавобгарликнинг муқаррарлиги таъминланади»,-деди Шуҳрат Жалолов.