Олий Мажлис Қонунчилик палатасидаги ХДП фракциясининг навбатдаги йиғилишида муҳокама қилинган қонун лойиҳасига кўра, хусусан, ахборот тизимларидан олиш имконияти яратилгани учун давлат ташкилотлари ва хўжалик бирлашмалари томонидан шахсини тасдиқловчи ҳужжатлар ва меҳнат дафтарчаларни ҳамда жамғариб бориладиган пенсия дафтарчасини талаб қилиш бекор қилиняпти.

Фракция аъзолари қонун лойиҳаси билан партия электорати учун қатор енгилликлар берилаётгани, ортиқча оворагарчиликларнинг олди олинаётганини таъкидлаб, уни янада такомиллаштириш юзасидан фикр-мулоҳаза ва таклифлар беришди.

Савол-жавоблардан сўнг қонун лойиҳаси фракция аъзолари томонидан маъқулланди.

Йиғилишда, шунингдек, «Халқаро меҳнат ташкилотининг ҳақ тўланадиган таътиллар тўғрисидаги 132-сонли Конвенциясини (Женева, 1970 йил 24 июн) ратификация қилиш ҳақида»ги қонун лойиҳаси ҳам муҳокама қилинди.

Қайд этилишича, Конвенциянинг асосий мақсади — барча ишлайдиган ходимларга дам олиш ва ишлаш қобилиятини тиклаш учун иш ўрни (лавозими) ҳамда ўртача иш ҳақи сақлаб қолинган ҳолда ходим ишдан озод этиладиган, ходимга ҳар йили иш йили давомида бериладиган таътилларни таъминлашдан иборат.

Фракция аъзолари Конвенциянинг ратификация қилиниши миллий қонунчиликни янада такомиллаштиришга, шу жумладан, дам олиш ва ҳақ тўланадиган таътиллардан фойдаланиш ҳуқуқларини таъминлаш бўйича халқаро стандартларни самарали жорий этишга хизмат қилишини алоҳида қайд этиб, уни қўллаб-қувватладилар.

Кун тартибига киритилган бошқа масалалар ҳам кўриб чиқилди ва тегишли қарор қабул қилинди.

Бухоро шаҳрида такси ҳайдовчисини ўз яшаш хонадони ёнигача олиб борган мижоз, уни пичоқлади. «Xabar.uz» га манбасига кўра, такси ҳайдовчиси ва мижоз ўртасида йўлкира устида ўзаро келишмовчилик келиб чиққан.

Таъкидланишича, жорий йилнинг 9 июль куни Бухоро шаҳрида яшовчи фуқаро Р.Н. йўлдан ўз яшаш хонадонига бориш учун такси тўхтатган. Асли Шофиркон туманилик такси ҳайдовчиси Н.А. мижозга автомашинасини тўхтатган ва кира ҳақини ўзаро келишишган. Шундан сўнг такси ҳайдовчиси мижозни унинг яшаш манзилигача олиб борган. Бироқ, мижоз ёнида келишилган миқдордаги пули йўқлигини рўкач қилган ва такси ҳайдовчиси билан ўзаро келишмовчиликка борган. Мижоз такси ҳайдовчисига пул керак бўлса, унга уйигача чиқишини билдирган. Н.А. мижозни унинг хонадони эшиги олдида кутишга мажбур бўлган. Ҳаял ўтмай, мижоз уйидан қўлида пичоқ билан чиққан ва кутилмаганда, такси ҳайдовчисининг елка қисмига пичоқ санчган. Ҳайдовчи воқеа жойида ҳушини йўқотган. Кўп вақт ўтмай, ҳолатга қўни-қўшнилар воқиф бўлишган ва зудлик билан «Тез ёрдам» чақиришган. Такси ҳайдовчиси оғир аҳволда Бухоро шаҳар марказий касалхонасига келтирилган. Тиббий ходимлар томонидан жабрланувчига зарурий тиббий муолажалар кўрсатилиб келинмоқда, ҳозирда беморнинг аҳволи қониқарли.

Маълум бўлишича, Р.Н. бир неча маротаба судланган ва хавфли рецедивист сифатида рўйхатда турган бўлган.

Бухоро вилояти Ички ишлар бошқармаси Ахборот хизмати бошлиғи Шуҳрат Жалоловнинг билдиришича, мазкур ҳолат юзасидан Ўзбекистон Республикаси Жиноят Кодексининг 277-моддаси 2-қисми билан жиноят иши қўзғатилиб, гумон қилинувчига нисбатан «қамоққа олиш» тарзидаги эҳтиёт чораси қўлланилган. Бухоро шаҳар Ички ишлар органлари фаолиятини мувофиқлаштириш бошқармаси Тергов бўлими томонидан дастлабки тергов ҳаракатлари олиб борилмоқда.

«Тергов ҳаракатлари тўла ва холисона олиб борилиб, жиноят учун жавобгарликнинг муқаррарлиги таъминланади»,-деди Шуҳрат Жалолов.

Адлия вазирлигининг кўрсатмасига мувофиқ аҳоли муаммоларини “фуқаро-маҳалла-адлия” тизими орқали ҳал этиш бўйича Бухоро тажрибаси ишлаб чиқилиб, амалиётга жорий этилмоқда. Шу жиҳатдан навбатдаги пресс-тур Қоракўл туманида ташкил этилди. Batafsil “Фуқаро-маҳалла-адлия” тизими Қоракўл туманида →

Сўнгги қўнғироқ

Мактаб гавжум худди байрамдай,

“Оққуш” қизлар кийими оппоқ.

Устозларга раҳмат, дегандай,

Янграмоқда сўнгги қўнғироқ.

Мактаб ўхшар катта қанотга,

Кўринади эрта яхшироқ.

Ўсмирликдан катта ҳаётга,

Кузатасан, сўнгги қўнғироқ.

Билим олиб, сенинг бағрингда,

Униб-ўсдик билмайин чарчоқ.

Мангу бўлиб қолдинг қалбларда,

Чалинса ҳам неча қўнғироқ.

Тилаклар мўл, орзулар бебош,

Ҳаяжондан қалбларда титроқ.

Байрам, бироқ кўзлардадир ёш,

Чалинмоқда сўнгги қўнғироқ.

Жамолиддин Салоҳиддинов

ЧАЛИНГАНДА СЎНГГИ ҚЎНҒИРОҚ

Вақт ҳамиша ўз ҳуқмини ўтказиб келган. Ҳамма нарсанинг сўнгги бўлганидек, мактаб ўқувчилари учун ҳам ажралиш онлари етди.

Ҳаёт шунчалар тез ўтишини ким билибди, дейсиз? Биринчи синфга қадам қўяётганинг шундоқ эсингда. Ўшанда мактаб ўқувчилик йиллари жуда-жуда узоқ вақтдек туюлган. Мактабдаги жўшқин ҳаёт эса худди ширин туш каби кўз очиб юмгунча ўтиб кетди.

Бугун бир шаҳар кўчаси каби сершовқин ҳаёт остонасида турибсиз. Манзилингиз йўллари эса хилма-хилдир. Сиз ҳар қанча интиқ кутманг, ҳаёт, деб аталмиш дарсда қирқ беш дақиқа эмас, балки инсон умри давом этади. Йил кетидан йил қувиб ўтгани сайин инсон болаликни қўмсайверади, улғайгани сарин эса ортга – беғуборликка қайтгин келади.

Гоҳида ҳаёт ташвишларидан чарчаб, ўйга толганингда, кўз олдингда жўшқин мактаб ҳаёти, дасрлардаги шўхликлар, қувноқ синфдошларинг, устозларинг гавдаланади-ю, кўнгил бироз таскин топади.

Баъзи бир устозлардан ранжисанг-да, вақти келиб, уларнинг койишларини ҳам соғинасиз, ўқитувчиларингизнинг пурҳикмат сўзлари бутун умрингизга асқотади.

Сиз мустақил Ўзбекистон келажагини қурувчи инсонларсиз. Даврлар келиб, юртимиз севган ва таниган инсонлар бўлиб етишарсиз. Бироқ, у кунга етгунга қадар ҳаётнинг кўчирмакашлик қилиб бўлмайдиган ўтишингизга тўғри келади…

Мактабни тугатиш ҳақида ўйлаяпсизу, кўзларингизга ёш тўлаяпти. Ахир болаликдан бирга ўсган ўйинқароқ синфдошлар давраси, она-оталарингиздек меҳрибон устозлар, яна шу кунларни эслатиб турувчи синфхоналарни ташлаб кетиш осонми?!

Сўнгги қўнғироқ чалиндию, мактабдаги ҳаётингизга якун ясалди. Ҳаммангиз ҳаётнинг турли кўчаларига кириб кетасиз. Гарчи сизларни вақтинчалик масофалар ажратиб турса-да, Сиз собиқ синфдошлар билан ҳамиша бирга бўласиз.

Хайр, Синфдош!

“BYO”

  Оппоқ тонгларда барчамизни уйғотадиган бир наво бор. Уни тинглаганинг сари қалб ғуруга, фахр-ифтихорга тўлаверади. Юраклар орзиқаверади, Она-Ватанга, муқаддас заминга бўлган меҳр жўш уриб, мусаффо туйғуларга дил тўлади. Бу ўша, чорак асрдирки, ер юзида халқимиз ғурури, ифтихори тантанасини намоён этиб келаётган – Юрт мадҳияси!

Бугун мадҳиямиз бастакори, Ўзбекистон халқ артисти, санъат арбоби Бухоро шаҳрининг забардаст фарзанди Мутаваккил Бурхонов таваллуд топган кун.

У 1916 йилда Бухоро шаҳрида туғилган ва ҳаётининг сўнгги йилларини ҳам шу заминда ўтказган.

Мутаваккил Бурхонов нафақат юрт мадҳияси орқали, балки ижодидан ўрин олган лирик романслари, жозибали бадиий симфоник асарлари, “Абу Али Ибн Сино”, “Сурайё”, “Мафтунингман” сингари кинофильмлари учун басталаган мусиқий дурдоналари орқали ҳам ўзбек мусиқа санъатида ўзига ҳайкал қўя олган буюк истеъдод соҳибидир.

Умрлар бор тирикликда ўликдир, умрлар бор мангуликка тирикдир. Мутаваккил Бурхоновнинг камтарона ҳаёт йўли, мусиқа санъатидаги ўзига хос бетакрор услуби чиндан ҳам мангуликка даҳлдор. Бухоройи Шариф эса миллатини севувчи, инсонларга илм-маърифат ва зиё тарқатувчи ана шундай кўплаб буюк инсонларни ўз бағрида улғайтираверади.

Мутаваккил Бурхоновнинг охирати обод бўлсин.

Жамол Носиров

⚡Ayni damda “Markaziy Osiyoda dinlararo va bir din ichidagi bag‘rikenglik masalalarini yoritishda ommaviy axborot vositalarining o‘rni” mavzusidagi xalqaro davra suhbati bo‘lib o‘tmoqda.

Diniy bag’rikеnglik turli din vakillari e’tiqodidagi mavjud aqidaviy farqdan qat’i nazar, barchaning yonma-yon, o’zaro tinch-totuv yashashini anglatadi. O’zbеkistonda barcha din vakillarining an’ana va urf-odatlarini amalga oshirishi, diniy udumlarini ado etishi uchun imkoniyatlar yaratilgan va bir-biriga hurmat ko’zi bilan qarash davlat siyosatining asosiy tamoyiliga aylangan.

Millatlararo totuvlikni, tinchlik va osoyishtalikni, xavfsizlikni ta’minlashni yanada mustahkamlash uchun uni yoshlarga tushuntirish, ular o’rtasida uchrashuv, suhbatlar hamda davra suhbatlari uyushtirish yoshlar ongiga ko’p millatli yagona, ahil oila tuyg’usini singdirishga zamin yaratadi. Xuddi mana shunday davra suhbati bugun Toshkent shahridagi Redisson blu hotel mehmonxonasida qizg‘in davom etmoqda.

Ishtirokchilar:

Markaziy Osiyo mamlakatlari—Qozog‘iston, Qirg‘iziston va Tojikistondan manfaatdor davlat organlari vakillari, jurnalistlar, blogerlar va ekspertlar, fuqorolik jamiyati institutlari vakillari

Tashkilotchilar:

O‘zbekiston Jurnalistlarini qayta tayyorlash markazi va “Search for Common Ground” xalqaro nodavlat notijorat tashkilotining O‘zbekiston filiali

Bizni kuzatishda davom eting… 

https://t.me/by_gazetasi_chat               🔺@by_gazetasi

Ҳар бир мамлакатнинг ривожида ўзига хос жиҳатлар, ўлчов бирликлари бўлади. Демографик жараёнлар ана шулардан бири. Шу нуқтаи назардан Ўзбекистон келажаги порлоқ давлат десак муболаға бўлмайди. Чунки мамлакатимиз аҳолисининг 70 фоизга яқинини ёшлар ташкил қилади.  Албатта бу жуда катта куч ва имконият.

Юртимизда ёшларни қўллаб-қувватлашга алоҳида эътибор қаратилмоқда. Жумладан,  2024 йилнинг “Ёшлар ва бизнесни қўллаб-қувватлаш йили” деб эълон қилингани ҳам бунга яққол мисолдир.  Қолаверса, бу барча ўзбекистонлик ёшлар каби мени ҳам беҳад қувонтирди. Биз, ёшларга куч ва шижоат бағишлади.

Дарҳақиқат, ўтган 2023 йилда ҳам ёшлар ҳар томонлама қўллаб-қувватланди.  Давлатнинг алоҳида эътиборига муҳтож 396 минг нафар ёшлар мутасадди раҳбарларга бириктирилди. Улар билан индивидуал ишлаш орқали 94 минг нафарининг бандлиги таъминланди, 56 мингтаси касб-ҳунарга ўқитилди. “Ёшлар дафтари” орқали кўрсатиладиган ёрдам турлари сони 30 тага етди, мурожаатларни кўриб чиқиш муддати 30 кундан 5 кунгача қисқарди. Ёшлар етакчилари тавсияси билан 338 минг нафар йигит-қизга 444 миллиард сўм ёрдам кўрсатилди. Хусусан, талабаларнинг шартнома маблағлари тўланди, хорижий тиллар ва замонавий касбларга ўқитиш харажатлари қоплаб берилди. Ишсиз ёшларга меҳнат қуроллари ажратилди. Ҳар бир маҳаллада “Ёшлар бандлиги дастури” амалга оширилди. 236 минг нафар ишсиз йигит-қиз ва 189 минг нафар мактаб битирувчисининг бандлиги таъминланди. “Беш ташаббус олимпиадаси” 4 та йўналишда – маҳалла, мактаб, профессионал таълим ва олийгоҳлар тизимида ўтказилиб, жами 12 миллион нафар ёшлар қамраб олинди. Унда ғолиб бўлган ёшларнинг маҳаллаларида 623 та спорт майдончаси барпо этилди. “Заковат” ва бошқа интеллектуал ўйинларга 2 миллион нафар ёшлар жалб қилинди.

Бу борадаги ишлар 2024 йилда изчил давом эттирилиб  ёшлар сиёсати бўйича кўплаб янги ташаббуслар жорий этилишидан хурсанд бўлдик. Жорий йилда ҳар бир ҳудуд, вазирлик ва идоралар тизимида ёшлар билан ишлаш бўйича янгича ёндашув жорий этилади. Ёшлар етакчиси тавсияси билан бериладиган ёрдам турлари трансформация қилиниб, асосий эътибор уларни замонавий касб-ҳунарга ўргатишга қаратилади. Болаларнинг кўникмалари, қизиқишлари ва истеъдодини ривожлантириш, уларни ҳар томонлама қўллаб-қувватлаш мақсадида Ўзбекистон болалар ташкилотини тузиш таклифи билдирилди. Ёшлар муаммоларини ўрганиш ва истиқболли кадрлар тайёрлаш борасидаги илмий-тадқиқот ва таҳлилий ишларни такомиллаштириш зарурлиги қайд этилди.

“Ибрат фарзандлари” лойиҳаси орқали хорижий тилларни ўрганаётган ёшларни 1 миллион нафарга, “Мутолаа” дастури орқали ёш китобхонларни 1,5 миллион нафарга етказиш чоралари кўрилади. Бунинг учун ҳудудларда қўшимча инфратузилма барпо этилиб, ёшларнинг бўш вақтини мазмунли ташкил этиш, иқтидор ва истеъдодини рўёбга чиқариш учун янада кенг шароитлар яратилади.

Бугунги кунда Бухоро давлат педагогика институтида Ёшлар иттифоқи бошланғич ташкилоти ҳамда волонтёрлик маркази ёшлар ташаббусини ҳар томонлама қўллаб-қувватлаб келмоқда. Жумладан, Бухоро давлат педагогика институтида маънавий-маърифий тадбирлар, интеллектуал, ақлни чархловчи лойиҳалар, спорт мусобақалари, китобхонлик ҳамда волонтёрлик ҳаракати билан ёшларнинг бўш вақти мазмунли ташкил этилмоқда. Иқтидорли талабалар институт, вилоят, республика ва халқаро танловларда фахрли ўринларни эгаллаб, муносиб рағбатлантирилмоқда.

Институтнинг “Зиё” театр студияси вилоятдаги 10 дан ортиқ олийгоҳлар ичида фахрли 1-ўринни қўлга киритиб, минтақавий босқичда иштирок этди. Спортда талабаларнинг 6 нафари жаҳон чемпионлигини, 12 нафари Осиё чемпионлигини, 42 нафари Ўзбекистон чемпионлигини қўлга киритди.  Институтда таҳсил олаётган талабаларнинг 267 нафари хорижий чет тилини билиш даражасига эга бўлиб, шундан 2 нафари инглиз тилидан IELTS халқаро баҳолаш даражасидан 8 ва ундан юқори баҳолангани қувонарлидир. Шунингдек, Хорижий тил ва адабиёти: инглиз тили таълим йўналиши талабаси Жумаева Гулрухсор Бухоро вилоятидаги олий таълим муассасалари ичида ягона Ўзбекистон Республикаси Президенти гранти соҳибасига айланди. Талабаларимизнинг 5 нафари номли давлат стипендиясига лойиқ деб топилди.

Бир сўз билан айтганда, бугун юртимизда талаба-ёшларнинг таълим олиши учун кенг имкониятлар яратилганига ҳар биримиз гувоҳ бўляпмиз. Бунинг учун биз, ёшлар Президентимизга ўз миннатдорлигимизни билдирган ҳолда, Юртбошимиз билдирган ишончни оқлаймиз, деб ваъда берамиз.

Рустамжон Раҳимбоев,                       Бухоро давлат педагогика институти ректори ёрдамчиси

Бухоро табиий ресурсларни бошқариш институтида робототехника хонаси фаолияти йўлга қўйилган. Бунда талабалар замонавий компьютерларда роботларни лойиҳалаш, қуриш ва улардан фойдаланиш, уларни бошқариш, фикрлар ва маълумотларни қайта ишлаш борасида маҳорат ошириб келмоқда.

– Биз автоматлаштириш тезлиги таъсирчан бўлган замонда яшаяпмиз, Бугунги кунда одамлар бажарадиган вазифаларни автоматлар тезроқ ва яхшироқ бажаради. Баъзилар қатор фаолият соҳаларида, айниқса, ишлаб чиқариш ва саноатдаги жараёнларнинг тўлиқ автоматлаштирилиши ишсизликни келтириб чиқаради, деб ҳисоблайди. Аслида, бу ҳамма учун янги имкониятлар тўлқини. Ушбу қурилмалар қанчалик кўп функционал бўлмасин, уларни ишлаб чиқиш, такомиллаштириш, таъмирлаш ва техник хизмат кўрсатиш керак. Жараённи амалга ошириш учун эса мутахассисларга доим эҳтиёж бор, – дейди  институтининг мелиоратив гидрогеология йўналиши 4-босқич талабаси Суҳроб Ўлмасов.

Айни кунда вилоят аҳолисининг 1038899 нафарини ёшлар ташкил этмоқда. Ёшлар етакчилари томонидан вилоятдаги 544 та маҳалла фуқаролар йиғинида истиқомат қилаётган 472  573 нафар йигит-қиз тўлиқ хатловдан ўтказилган.

Ижтимоий-иқтисодий ёрдамга муҳтож бўлган 25 737 нафар ёшлар “Ёшлар дафтари”га киритилиб, 21 336 нафарининг муаммолари ижобий ҳал этилган. Ёшларнинг бўш вақтини мазмунли ташкил қилиш ҳамда инфратузилма объектларини барпо этиш учун “Ёшлар дафтари жамғармаси”дан 43,3 миллиард сўмдан ортиқ маблағлар йўналтирилган.

“Ёшлар баланси” асосида 14 140 нафар “оғир” тоифадаги ёшлар 284 нафар раҳбарларга номма-ном бириктирилган. Уларнинг муаммоларини ҳал этиш учун 15,7 миллиард сўмлик моддий ёрдам кўрсатилган.

“Ёшлар бандлиги дастури” га киритилган 21 330 нафар ишсиз ёшларнинг 7 941 нафарининг бандлиги таъминланган. 1 853 нафари профессионал таълим муассасаларига жалб қилинган. 3 485 нафари доимий иш ўринларига жойлаштирилган.

1 719 нафари касб-ҳунарга ўқитилди, 6 нафарига субсидия асосида меҳнат қуроли берилди, 1 нафарига деҳқончилик учун экин майдонлари берилди, 18 нафарига тадбиркорлик учун кредит ажратилди, 870 нафари хунармандчиликка жалб этилди, 34 нафари янги яратилган иш ўринларига жойлаштирилди, 1 808 нафар мактаб битирувчилари хусусий олий таълим муассасаларига ўқишга қабул қилинди.

Ёшлар ўртасида жиноятчиликни олдини олиш бўйича “Қўқон шаҳар тажрибаси” асосида маҳаллаларда 2 557 нафар жиноят содир этишга мойил бўлган ёшлар аниқланиб, уларнинг муаммоларини ҳал этиш бўйича “Ҳаракатлар режаси” ишлаб чиқилган.

Бундан ташқари, вилоятдаги таълим муассасаларида 4 909 маротаба “Давомат” ва “Тиғ” тезкор рейд тадбирлари ўтказилиб, муаммоли ёшларнинг ота-оналари билан тушунтириш ишлари олиб борилган. Фарзандига таълим бериш мажбуриятини бажармаган 5 48 нафар ота-оналарга нисбатан маъмурий баённомалар расмийлаштирилган.

Хонадонма-хонадон хатлов ишлари орқали 12 129  нафар хориждаги ёшлар баланси шакллантирилган. Уларнинг 11 305 нафари ишлаш учун, 598 нафари ўқиш учун ҳамда 229 нафари доимий яшаш ва бошқа сабабларга кўра чиқиб кетгани аниқланган.

“Беш ташаббус олимпиадаси” доирасидаги лойиҳаларининг биринчи мавсумида 315 302 нафар ва иккинчи мавсумида

346 580 нафар ёшлар жалб этилган.

Иқтидорли ёшларни қўллаб-қувватлаш борасидаги натижалар ҳам салмоқли. Халқаро имтиҳон тизимлари бўйича юқори балл тўплаган 1163 нафар ёшларга 1 миллиард 938 миллион сўмлик имтиҳон топшириш харажатлари қоплаб берилган.

2024 йилда Ёшларга оид давлат сиёсати борасида амалга ошириладиган мақсадли кўрсаткичларни белгилаб олиниб, 9 та йўналишда, жумладан, давлат кўмагига муҳтож “оғир” тоифадаги ёшлар билан ишлаш йўналишида, ишсиз ёшлар бандлигини таъминлаш, битирувчи ёшлар бандлигини таъминлаш, хориждаги ёшлар билан ишлаш, норасмий банд ёшларга ўзини-ўзи банд қилиш орқали бандлигини таъминлашга кўмаклашиш, “Ёшлар дафтари”га киритилган ёшларга кўмаклашиш, ҳуқуқбузарлик содир этишга мойиллиги бўлган ёшлар ва вояга етмаганлар билан тизимли ишлаш, маҳаллаларда ёшларни “Беш ташаббус олимпиадаси”га жалб этиш ва уларнинг бўш вақтини мазмунли ташкил этиш, иқтидорли ёшларни излаб топиш, истеъдодини рўёбга чиқариш ва уларни қўллаб-қувватлашга кўмаклашиш йўналишларида жами 506 758 нафар ёшлар қамраб олинади.

Шунингдек, “Ибрат фарзандлари” Youtube платформаси орқали 81 903 нафар, “lbrat Academy” мобил иловаси орқали 250 000 нафар, “UzChess” лойиҳасига 30 996 нафар, волонтёрлик ва лидерлик лойиҳаларга 52 497 нафар ҳамда интеллектуал ўйинларга 91 362 нафар ёшларни кенг жалб қилиш чоралари кўрилади.

   “Ҳеч қачон унутманг, сизлар инсон ҳар томонлама эркин, озод ва фаровон яшайдиган Янги Ўзбекистон ҳамда Учинчи Ренессанс бунёдкорларисиз”

                                               Шавкат Мирзиёев

Бугун ёшларга очилган эшиклар туфайли барча соҳаларда айниқса, олий таълим тизимидаги талабалар дунёнинг турли минтақасидаги энг нуфузли олийгоҳларга ўқишга кирмоқда. Ўз ихтироларини амалга ошириб, дунёга ибрат бўлмоқда ва учтадан ўнтагача хорижий тилларда эркин гапиряпти. Сўнгги олти-етти йилда ёш вазир ўринбосари, ёш ҳоким, ёш тадбиркор, ёш лидер ва янги кўп ишлатадиган атама кириб келди. Ёшларнинг орзу интилишларига, муаммоларига ечим топадиган янгича ишлаш механизмлар – “Ёшлар ишлари агентлиги”, “Ёшлар дафтари”, “Ёшлар баланси”, “Ёшлар келажагимиз” жамғармаси фаолияти ҳар бир ёшга янги ҳаёт бахш этмоқда.

Бугун давлат раҳбарининг дунёда бетакрор институт – маҳаллаларда 9 минг 500 нафар ҳоким ёрдамчилари ва айниқса, ёшлар етакчисининг ўрни беқиёс бўлиб, улар томонидан маҳалла аҳолиси ва ёшларини муаммолари эшитилмоқда. Ушбу янги тизим асосида 10 миллиондан зиёд йигит-қизларини қамраб олган “Ёшлар баланси” шакллантирилиши ёки ҳозирга қадар “Ёшлар дафтари”га киритилган минг-минглаб йигит-қизларнинг муаммоларини ҳал этилди. Биргина ўтган 2023 йилда амалиёти йўлга қўйилган, яъни – давлатнинг алоҳида эътиборига муҳтож 396 минг нафар ёшлар мутасадди раҳбарларга бириктирилиб, улар билан индивидуал ишлаш орқали 331 мингининг ҳаётда ўз ўрнини топишига кўмаклашилди. Ва натижада, 94 минг нафарининг бандлиги таъминланди, 56 минги касб-ҳунарларга қитилиши жамоатимизда ҳар бир ёш давлат ҳимоясида, қўллаб-қувватловида эканига ёрқин мисол бўлди. Ўтган йилнинг ўзида “Ёшлар дафтари” орқали кўрсатиладиган ёрдам турлари сони 30 тага етганини ҳамда ёшлар етакчилари тавсияси билан 338 минг нафар йигит-қизга 444 миллиард сўмлик ёрдам кўрсатилгани ва бунинг натижасида талабаларнинг шартнома маблағлари тўлангани, хорижий тиллар ва замонавий касбларга ўқитиш харажатлари қоплаб берилгани ҳамда ишсиз ёшларга меҳнат қуроллари ажратилганини ўзи миллонлаб ёшларнинг жамиятимиздаги ижтимоий муаммоларини ёнига бориб ечишга замин бўлди.

Олий таълим ва ёшлар…

Ўтган етти йилда ёшларни олий таълимга жалб қилиш даражаси 9 фоиздан 40 фоизгача кўтарилди. Ёшларни талабаликка қабул қилиш ва уларга сифатли таълим беришда ҳам мутлақо янги қулайликлар яратилди. Жумладан, қачонлардир “1 август” куни минглаб ёшларни бир кунда, бир вақтда тест синовларига жалб қилиш, абитуриент ва унинг ортидан келган ота-она, яқинларининг кўплаб қийинчилик, ноқулайликлари бартараф этилди. Кузатувчи ота-оналар, яқинлари учун ҳам соя- салқин жойларда ўриндиқлар, ўз фарзандини тест синови ўтадиган жойдаги ҳолатини катта экранлар орқали онлайн тарзда кўриб туриш имконияти яратилди. Шунингдек, замонавий бинолар, ўқув аудиториялари, бўш вақтни мазмунли ўтказиш учун қулай ва имконияти кенг бино-иншоотлар қуриб фойдаланишга топширилди. Талабалар шартнома-тўловларини тўлашидаги ижтимоий муаммолар ҳам кўриб чиқилди. Умуман олганда, бугунги Ўзбекистон ёшларининг сифатли таълим олиши ва жамиятда ўз ўрнини топиши учун 30 дан ортиқ кўринишдаги имтиёз ва қулай хизмат тизими амал қилмоқда.

Бухоро давлат университети мисолида сўз юритадиган бўлсак, Олийгоҳда 2023 йилда 22 329 нафар талаба таҳсил олган ва уларнинг 12 258 нафари кундузги, 1 293 нафари кечки, 8 618 нафари сиртқи ва масофавий 210 таълимда таҳсил олмоқда.

Университетда таҳсил олувчи талабалар орасидан 2022-2023 ўқув йилида 13 нафар бўлса, 2023-2024 ўқув йилида 29 нафар Президент ва турли номдаги номдор стипендиатлар бўлган. Ўзбекистон ва халқро спорт мусобақаларида пешқадам бўлган талабаларимизнинг саноғи чексиз. Зулфия номидаги давлат мукофотини қўлга киритган қизларимиз ҳам бор.

Юзлаб тадбирлар борки, талаба-ёшларимизни маънавий қўллаб-қувватлашга қаратилган. Моддий таъминлаш масалалари ҳам самарали амалга оширилган. Ўтган йилда олийгоҳда таҳсил олиб, ижарада истиқомат қиладиган талабаларнинг ижара шартномалари асосида тўловлар миқдори 2 201 700 000 сўмни ташкил этган. 2023 йилда 361 нафар талаба 1 157 861 920 сўм миқдорида бюджет маблағлари ва  526 нафар талаба 719 231 744 сўм миқдорида бюджетдан ташқари маблағлари ҳисобидан моддий рағбатлантирилган. 887 нафар талабага 1 877 093 664 сўм миқдорида моддий ёрдамлар берилган. Салкам 100 нафарининг шартнома-тўловлари маҳаллий ҳокимликлар ва ҳомийлар томонидан тўлаб берилган.

Ҳар бир қилинаётган ишлар, илгари сурилган мақсадлар талабаларни илғор, ташаббускор ва интилувчанликка чорлаш, маънавий иммунитетини ошириш, сифатли таълим шароитини яратишга қаратилган. Ёшлар Ўзбекистонимизнинг бетакрор бойлиги экан, бу неъматни зако илму маърифат, такбирли, гўзал амаллар билан суғориб, илдизи мустаҳкам инсонлар бўлиб етишиши учун ҳаракат ва изланишдан тўхтамаймиз.

Обиджон Ҳамидов,

Бухоро давлат университети ректори.