Бухоро вилояти ёшларининг орзу-умидлари, фикр ва ташаббусларини ифода этиб келаётган “Buxoro yoshlari” газетасининг 25 йиллик қутлуғ айёми барчамиз учун улкан байрамдир.

Чорак аср – бу оддий рақам эмас. Бу – синовлар, изланишлар, жасорат ва матонат билан тўлган тарих. Бу — ёшлар қалбига йўл топа олган, уларни эзгу мақсадлар сари чорлаган минбарнинг шарафли йўлидир.

2001 йилда ташкил этилган мазкур нашр дастлабки кунлариданоқ, ёшларга хос руҳ, долзарб мавзулар ва самимий ёндашуви билан ўқувчилар эътиборини қозонди. “Билиб қўйки, сени Ватан кутади!”, “Буюк келажакни бирга қурамиз!” деган шиорлар шунчаки сўз бўлиб қолмади: улар ёшлар онгида ишонч, қалбида масъулият уйғотди. Газета мустақиллик ғоялари, миллий қадриятлар ва маънавий меросни тарғиб этиб, ватанпарвар, фаол ва ташаббускор авлодни тарбиялашга хизмат қилди.

Аммо, шу оғир шароитларда ҳам “Buxoro yoshlari” тўхтаб қолмади. Чунки, унинг таянчи – жамоанинг бирдамлиги, касбий садоқати ва қаламга бўлган ишончи эди. Офиссиз, техникасиз, имкониятларсиз ҳам сўз қудрати билан ўз ўрнини сақлаб қолиш — бу ҳақиқий жасорат эмасми?

Ўтган йиллар мобайнида газетани бошқарган ва унинг мазмун-моҳиятини бойитган бош муҳаррирлар – Саидбурхон Қодиров, Адолат Акрамова, Жамол Носиров ҳамда бугунги раҳбар Лайло Ҳайитова каби фидойи инсонларнинг меҳнати алоҳида эътирофга лойиқ. Улар яратган ижодий мактаб бугунги авлод журналистлари учун мустаҳкам пойдевор бўлиб хизмат қилмоқда.

Газета саҳифаларида самарали меҳнат қилган Раъно Саидмуродова, Моҳигул Назарова, Эркин Содиқов, Ҳамза Турдиев, Дилноза Ўринова, Ҳамро Акиев каби ижодкорлар, шунингдек, марҳум журналистлар Даврон Баҳронов, Илҳом Сафаров, Дилмурод Жабборов, Сафар Аҳмедов, Маннон Отабой, Шоира Холова номлари газетанинг шарафли тарихида алоҳида ўрин тутади. Уларнинг меҳнати ва хотираси бугунги жамоа учун масъулият ва илҳом манбаи.

2012 йилдан бошлаб, “Buxoro yoshlari” газетаси Бухорода илк бор рангли нашр сифатида чоп этила бошлади. Ўша пайтда вилоятда рангли босмахона мавжуд эмас эди. Газета Навоий вилоятида саҳифаланиб, чоп этиларди. Шу билан бирга, веб-сайт ва телеграм канал ишга туширилиб, нашр электрон майдонга ҳам дадил қадам қўйди. Бу – анъанавий газетачиликни замонавий ахборот технологиялари билан уйғунлаштириш йўлидаги муҳим қадам эди.

Айни пайтда эса газета Қарши шаҳридаги “Photo Eхshress” хусусий ишлаб чиқариш босмахонасида чоп этиб келинмоқда.

Таҳририят қошидаги “Parvoz” ёш журналистлар маҳорат маркази эса вилоятдаги иқтидорли ёшларни қўллаб-қувватлаш, устоз-шогирд анъанасини давом эттиришда муҳим мактабга айланди. Босма ва интернет журналистикаси, телевидение, радио, фото йўналишларида олиб борилган машғулотлар миллий журналистикамизга муносиб кадрлар етиштиришга хизмат қилди.

Бугун таҳририят жамоаси замонавий фикрлайдиган, ташаббускор кадрлар билан янада кучайган. Анъанавий босма нашр имкониятлари сунъий интеллект ва рақамли технологиялар билан уйғунлашиб, конвергент ахборот майдонида ўз ўрнини мустаҳкамламоқда. Ижтимоий тармоқлардаги “Sado-news”, “Jurnalist+” ахборот дастури ва

“Bilasizmi?” лойиҳаси нашрнинг янги қиёфасини намоён этмоқда.

Энг муҳими, “Buxoro yoshlari” фақат ахборот тарқатувчи эмас. У вилоятимиздаги маънавий-маърифий, маданий ва ижтимоий тадбирларнинг фаол ташаббускори. Турли танлов, акция ва ижодий лойиҳалар орқали ёшлар фаоллигини ошириш, китобхонлик ва соғлом турмуш тарзини тарғиб этишда муносиб ҳисса қўшиб келмоқда.

25 йиллик тарих – бу фахр. Аммо, шу билан бирга катта масъулият ҳамдир. Олдинда янги марралар, янги вазифалар турибди. Ахборот майдонида рақобат кучайган бугунги даврда холислик, тезкорлик ва таъсирчанлик ҳар қачонгидан муҳим.

Ишонаманки, “Buxoro yoshlari” газетаси келгусида ҳам ёшлар ҳаётини холис ёритиб, уларнинг муаммо ва ютуқларини жамият эътиборига олиб чиқишда етакчи минбар бўлиб қолади. Миллий матбуотимизнинг муносиб ва таъсирчан нашрларидан бири сифатида яна кўп йиллар бардавом бўлади.

Шу қутлуғ сана муносабати билан барча журналистлар ва газетхонларга мустаҳкам соғлик, илҳом ва ижодий ютуқлар тилайман. Қаламингиз ўткир, сўзингиз таъсирчан, йўлингиз равшан бўлсин!

“Buxoro yoshlari”га бардавомлик, унинг фидойи жамоасига эса муваффақият ва зафарлар ёр бўлсин!

Шавкат Раҳмонов,

Бухоро вилоят Ёшлар ишлари бошқармаси бошлиғи.

Armiya faqatgina harbiy bloklar yoki urush maydonlarida faoliyat yuritadigan tuzilma emas. U eng avvalo, Vatan sarhadlarini qo‘riqlaydigan, yurt tinchligi va osoyishtaligini asraydigan muqaddas qo‘rg‘ondir. Tinch hayot, musaffo osmon va xotirjam kunlar ana shu mard o‘g‘lonlarning fidokorona xizmati samarasidir. Batafsil Vatanni asrash burchimiz →

Ўзбекистон Республикаси Президентининг “Нотариат институтини янада ривожлантириш ҳамда соҳага замонавий ахборот-коммуникация технологияларини кенг жорий этишга оид қўшимча чора-тадбирлар тўғрисида”ги қарори Нотариатда янги босқич: ислоҳотларнинг сиёсий аҳамияти ва жамият ҳаётидаги ўрнини белгилаб бера олади. Batafsil НОТАРИАТДА ЯНГИ БОСҚИЧ →

Vaqt o‘tadi, sahifalar almashadi, tarix bitiladi. Har bir davrning o‘z qahramonlari — el dardi bilan yashagan, xalq baxti uchun yongan, o‘z yurti sharafini dunyoga tanitgan farzandlari bo‘ladi. O‘zbekiston ham bugun ana shunday fidoyi, o‘z ishining ustasi bo‘lgan, millat uchun qunt bilan xizmat qilayotgan yangi avlod qahramonlariga boy. Ular hayotning turli jabhalarida — sahnada, siyosatda, ilmda yoki oddiy xalq orasida bo‘lishi mumkin. Ammo ularni birlashtirib turadigan narsa — Vatanga muhabbat, xalq xizmatiga sadoqatdir. Shunday insonlarning bir nechtasini sizga tanishtirmoqchiman.

Batafsil Bugungi kun qahramonlari: Zamon bilan baravar odimlayotganlar →

So‘z – insoniyatning eng buyuk ne’matlaridan biridir. U orqali fikr bildiramiz, tuyg‘ularni ifoda qilamiz, ijtimoiy munosabatlar o‘rnatamiz. So‘z qalb oynasidir – kimdir so‘zi bilan qalbni yoritadi, kimdir esa uni sindirib qo‘yadi. Shu bois har bir aytilgan so‘zning vazni, ohangi va niyati bor. Batafsil So‘z qadri – insoniylik mezoni →

Bugun kiyinish madaniyati insonning dunyoqarashi va jamiyatdagi o‘rnini ifodalovchi ijtimoiy ko‘zguga aylangan. O‘zbekistonda bu jarayon ayniqsa o‘ziga xos: qadimiy an’analar zamonaviy moda bilan uyg‘unlashib, milliylikni zamonaviy tilda ifoda etmoqda. Kiyim endi shunchaki libos emas — u o‘zbeklikni, madaniyatni dunyoga namoyish etuvchi vositadir. Batafsil O‘zbek modasining yangi nafasi →

Китоб ўқиш – мия учун ҳақиқий “спорт зал”дир. Тадқиқотлар шуни кўрсатадики, китоб мутолааси инсоннинг хотирасини мустаҳкамлайди, стрессни камайтиради ва ижодий фикрлашни ривожлантиради. Ҳар қанча фойдали бўлмасин, китоб ўқишнинг ҳам ижобий ва салбий жиҳатлари бор. Аминманки, аксарият одамлар мутолаанинг салбий тарафлари ҳақида эшитишмаган.

Batafsil КИТОБ ЎҚИШ – МИЯ УЧУН “СПОРТЗАЛ” →

Президент раислигида “Яшил макон” умуммиллий лойиҳасига бағишланган йиғилиш бўлиб ўтди. Юртимизнинг ҳар бурчидаги ободлик, яшилликка ҳисса қўшиш ҳамда кўчалар озодалигига эътиборли бўлиш кераклиги таъкидланди. Дарҳақиқат, табиатни асраш билан ўз ҳаётимиз қолаверса, келажак авлоднинг ҳам соғлом муҳитда яшашини таъминлаймиз. Бу йўлда “Яшил макон” лойиҳаси атроф-муҳитни ҳимоя қилиш ва ундан оқилона фойдаланишга қаратилган муҳим тадбирлар мажмуи бўлиб қолмоқда. Йиғилишда айнан шу дастур ижроси ва кузги мавсумда ишларни жадал ташкил қилиш масалалари кўриб чиқилди. Қорақалпоғистон, Бухоро, Жиззах, Навоийда сув талаб этилмайдиган саксовул, қандим, черкез уруғлари дронлар ёрдамида экиладиган бўлди. Октябрь ва ноябрь ойларида маҳаллаларда 40 миллион дона манзарали ва мевали дарахт экиш белгиланди. ОАВ ҳамда ижтимоий тармоқлар орқали табиатни ҳимоя қилиш ва бойитиш тўғрисида тарғибот ишлари олиб борилиши айтилди.

Инсон саломатлигини сақлаш ва яхшилаш, жисмоний ва руҳий ҳолатни барқарорлаштиришда табиатнинг ўрни муҳим аммо, бу жараён аввало, соғлом турмуш тарзига амал қилишдан бошланади.

Бугунги кунда соғлом турмуш тарзи нафақат саломатлик, балки умумий ҳаёт сифатини яхшилаш ва узоқ умр кўриш кафолати ҳисобланади.

Шу жиҳатдан, йиғилишда соғлом турмуш тарзини кенг оммалаштиришга алоҳида тўхталиб ўтилди. Бунда спортга жалб қилиш ва саломатликни таъминловчи одатларни кўпроқ 30 ёшдан ошган аҳоли ўртасида шакллантириш бўйича топшириқлар берилди. “Маҳалла еттилиги”ни одамларни жисмоний машқ, югуриш, велосипед ҳайдашга чорлашда фаолликка чақирилди.

Соғлом турмуш тарзига риоя қилган оилада – соғлом фикр ва дунёқараш, соғлом муҳит ва идроқ пайдо бўлади. Шу сабаб жисмоний фаоллик рейтингини тузиш, энг яхши маҳалла ва оилаларни рағбатлантириш белгиланди. Оилавий шифокор иши ва поликлиникаларда тўғри овқатланишни йўлга қўйиш бўйича тушунтириш ишлари олиб борилиши қайд этилди. Мактабларда фаолият юритаётган спорт тренерлари маҳалларга бириктириладиган бўлди. Аҳолини дори ичишдан кўра соғлом турмуш тарзига риоя қилиш афзаллигини ва доимий спорт билан шуғулланиш энг муҳимлигини тушунтириш таъкидланди. Албатта, соғлом турмуш тарзи кундалик фаолликни сақлаб қолиш билан бирга турли касалликларнинг ҳам олдини олади. Тўлиқ ва тўғри яшашга ижобий таъсир кўрсатади. Умуман олганда соғлом турмуш тарзи узоқ умр кўришда энг мақбул сармоядир.

Рустамжон Раҳимбоев, 

Олий Мажлис Қонунчилик 

палатаси ҳузуридаги Ёшлар парламенти аъзоси, 

Бухоро давлат педагогика институти магистранти.

Олийгоҳга илк бор мақсадларга тўла шаҳдам қадамлар билан кириб борганимни яхши эслайман. Танлаган соҳам бўйича чуқурроқ билим олиш ва кўплаб янги ютуқлар мени кутаётганини англардим. Талаба бўлганимдан ғурурланиш, атрофимдаги тенгдошларим ким ва қандайлигини тезроқ билиш истаги жўш урган кезлар эди ўшанда. Batafsil Янги ўқув йилида янги марралар сари →