Nigoh

ORZULARI BISYOR NILUFAR

Xabaringiz bor yaqindagina 11 yil davomida a’lo baholari, namunali xulqi, jamoat ishlarida faolligi, turli fan olimpiadalarida ishtiroki hamda tengdoshlariga o’rnak bo’lgan tumanlardagi umumta’lim maktabi iqtidorli bitiruvchilari oltin va kumush medallar bilan taqdirlandilar. Ana shunday rag’batga munosib ko’rilgan tirishqoq kogonlik yoshlardan biri Nilufar Akramova yutuqlari bilan bo’lishamiz. Har tomonlama tengdoshlariga chinakam namuna bo’la oladigan Nilufar Akramova Kogon tumanida joylashgan 3-umumta’lim maktabi bitiruvchisi hisoblanadi. Nilufar o’qishga bo’lgan qiziqishi, tirishqoqligi sababli, ustozlarning sevimli o’quvchisiga aylangan deydi – maktab direktori Hurmat opa Tursunova.

U dastlabki yutug’iga 6-sinfda ekanligida erishgan.  Fanlar orasida Ona tili va adabiyot faniga qizishi hamda a’lo o’qishi tufayli, 2017-2018-o’quv yilida 6-sinflar o’rtasida ona tili va adabiyot fanidan o’tkazilgan “Bilimlar bellashuvi”ning Kogon tumani bosqichida faxrli 1-o’rinni egallaydi.

Shuningdek 2018-2019-o’quv yilida 7-sinflar o’rtasida ona tili va adabiyot fanidan o’tkazilgan “Bilimlar bellashuvi”ning tuman bosqichida faxrli 1-o’rinni egallab, viloyat bosqichining “Bilimlar festivali”da munosib ishtirok etgan.

2022-2023-o’quv yilida 11-sinflar o’rtasida ona tili va adabiyot fanidan o’tkazilgan fan olimpiadasining viloyat bosqichida faxrli 2-o’rinni egallab, respublika bosqichida faol qatnashib, faxrli o’rinlarga munosib ko’rildi.

Shu bilan birga qahramonimiz ko’pgina tanlovlarda g’oliblikni qo’lga kiritgan.

Nilufar Akramova kelajakda ona tili va adabiyot fani o’qituvchisi bo’lib, o’z sohasining yetuk mutaxassisi bo’lishni orzu qiladi. Orzularidek oppoq ko’ngil egasining ayniqsa, ijodga bo’lgan qiziqishi tahsinga sazovordir. Adabiyotga bo’lgan qiziqishi uni ijod sari yo’lladi va she’r yozish sevimli mashg’ulotiga aylandi. Uning ”Bag’rimda gul ochgan bahor “mavzusidagi 1-she’r va hikoyalar to’plamining bosilishi ijodkor qizimizga yanada ulkan kuch baxsh etdi. Nilufarning bir nechta ijod namunalari respublikamizning bir qator gazeta va jurnallarida chop etildi.

Kogonlik bo’lajak muallima uchun ayniqsa 2023-yil omadli keldi desak hech ham mubolag’a bo’lmaydi. U oltin medalga loyiq deb topilishi bejizga emas albatta. Joriy yilda Nilufar Ona tili fanidan o’tkazilgan milliy sertifikat imtihonida qatnashib 78,4 ballni, inliz tilidan til bilish darajasini belgilovchi IELTS imtihonida qatnashib, 7 ball bilan sertifikatni qo’lga kiritdi. Bu kabi yutuqlar hali Nilufarda bisyor!

Barcha yutuqlarim, ustozlarim mehnatlari deb bilaman deydi qahramonimiz. Albatta yosh avlodning unib kamol topishida ustozlarning o’rni beqiyos. Nilufarning ustoz-murabbiylariga tashakkur aytgan holda, uning kelajakdagi o’qishlariga omad va zafarlar tilaymiz.

Haftalik davom etmoqda

РОМИТАНДА ИҚТИДОРЛИ МАКТАБ БИТИРУВЧИЛАРИ ОЛТИН ВА КУМУШ МЕДАЛЛАРИ БИЛАН ТАҚДИРЛАНДИЛАР

Бугун мамлакатимизда “Инсонга эътибор ва сифатли таълим йили” деб ном олган 2023 йилда соҳа ривожини янги босқичга кўтариш, ўқитувчи ва мураббийларнинг жамиятдаги ўрни ва обрў-эътиборини ошириш бўйича кўплаб чора-тадбирлар амалга оширилмоқда.

Бу йил Ромитан туманида фаолият олиб бораётган 43 та давлат умумтаълим ҳамда ихтисослаштирилган мактабларни 1252 нафар ўқувчи ёшлар битирмоқда. Улардан 39 нафари олтин, 7 нафари кумуш медаллар билан 11-синфни тамомламоқда.

Қувонарлиси, ушбу битирувчиларнинг 28 нафари муддатидан олдин олий таълим муассасаларига ўқишга қабул қилиндилар. Ўтган ўқув йилида бу кўрсаткич 25 нафарни ташкил ташкил этган.

Бу ўтган ўқув йилига нисбатан муддатидан олдин олийгоҳга кирган битирувчилар сони бир йилда 3 нафарга ортганини билдиради.

Бугун, 23 июнь куни Ромитан тумани ҳокимлигининг катта мажлислар залида умумтаълим мактабларини олтин ва кумуш медалларга тамомлаган ўқувчиларни тақдирлаш маросими бўлиб ўтди.

Тақдирланиш маросимида сектор раҳбарлари, туман ҳокими ўринбосарлари, туман Мактабгача ва мактаб таълими бўлими вакиллари, умумтаълим мактаб директорлари, ўқувчи-ёшлар ва уларнинг ота-оналари иштирок этишди. Тадбирни Ромитан тумани ҳокими Умеджон Барноев очиб бериб, битирувчиларни бугунги унутилмас кун билан самимий табриклаб, улар мамлакатимизда ёшларга яратиб берилаётган имконият ва рағбатдан фойдаланиб, пухта билим эгаллаши, катта ҳаёт йўлида мамлакатимиз ривожи учун астойдил меҳнат қилиши лозимлигини таъкидлади.

Ўзбекистонда хизмат кўрсатган Ёшлар мураббийи, 1-даражали меҳнат фахрийси Луқмон Бадалов сўзга чиқиб, Ромитан туманида таълим тизимида катта ижобий ўзгаришлар бўлаётганлигини фахр билан тилга олди.

Шундан сўнг, туман ҳокими Умеджон Барноев ва Ўзбекистонда хизмат кўрсатган Ёшлар мураббийи, 1-даражали меҳнат фахрийси Луқмон Бадаловлар томонидан ўқувчи ёшларга олтин ва кумуш медаллар тантанали тарзда топширилди. 11 йил олган билимим зоеъ кетмади,-дейди 35-умумтаълим мактаби битирувчиси, олтин медал соҳиби Сарвиноз Луқмонова.-Устозларимнинг меҳнати, ота-онамнинг ишончини оз бўлсада оқлаганимдан мамнунман. Олдимда мақсадларим кўп. Шулардан бири олий таълимга топшириб, талаба бўлиш бахтига муяссар бўлиш. Талабаликка қабул қилинишимга эса ишонаман. Чунки, бунга билимим етарли деб ўйлайман.  Таълим соҳасидаги энг юксак мукофотларини олар эканлар, Ромитанлик битирувчилар келажакда ўқиб, ўрганиб, Ватанимизнинг ривожи ва равнақи йўлида астойдил меҳнат қилиш ва фаолият юритишга ваъда бердилар. Бутун туман аҳли номидан барча доно ва билимли фарзандларимизни юксак мукофотлар билан самимий қутлаймиз.

Мукофот муборак бўлсин, азиз битирувчилар!

Фикр

Газета – кичкина китоб

Газетанинг ҳар битта сони шахсан мен учун ҳар доим қадрли бўлган. Мен ҳеч иккиланмай айтаманки, ҳозир ҳам шахсан ўзим учун қадрли бўлган жонажон “Buxoro yoshlari” газетасини энг қизиқиб ўқийдиган ўқувчиси ўзим бўлсам керак. (кулиб) Ҳар гал таҳририят ижодий жамоаси билан биргаликда газетанинг ўқимишлилигини ошириш учун турли лойиҳаларни ўйлаб топардик.

Batafsil Газета – кичкина китоб →

Фикр

Ҳаммаси “5” бўлсин!

“Buxoro yoshlari”нинг 500-сони чиқаётгани менинг умидларимни янада жонлантирди. Бу газетани оёққа турғазиб, 200-сони чиққанидаям унинг муҳаррири эдим, ўшанда сўз ўйини қилиб “Икки юз билан юзма-юз” деган сарлавҳали бош мақола ёзганман. Унда айтгандимки, “Вақти келиб, “Buxoro yoshlari”нинг икки мингинчи сони чиққанида ҳам юзма-юз бўлайлик!”

Batafsil Ҳаммаси “5” бўлсин! →

Jarayon, Ma`naviyat va ma`rifat

Владимир Гронский: “Биз ноёб китобларни қайтара олмаймиз, чунки бу хазина”

        Бухорода жорий йилнинг 24-26 май кунлари “Central Asia – 2023: Фан, таълим, маданият ва бизнесда интернет ва ахборот кутубхона ресурслари” ХVI халқаро анжумани бўлиб ўтади. Абу Али Ибн Сино номидаги ахборот-кутубхона марказида тадбир олдидан матбуот анжумани ўтказилди.

Мазкур анжуман фан, таълим, маданият ва бизнес соҳаларида электрон ахборот ресурсларини ривожлантириш ва қўллашда ахборот-кутубхона муассасалари, ўқув юртлари, архивлар, музейлар ва бошқа ташкилотларнинг ҳамкорлигини яхшилаш, кутубхоналар ишининг муаммолари, уларнинг инновацион ривожланиш йўлларини излашга қаратилди. Унда архивариуслар, Ўзбекистон Миллий кутубхонаси, шунингдек, ҳудудий ахборот-кутубхоналар раҳбарлари ва ходимлари, маҳаллий ОАВ вакиллари, хорижий соҳа мутасаддилари иштирок этди.

         Алишер Навоий номидаги Ўзбекистон Миллий кутубхонаси директори Умида Тешабаеванинг сўзига кўра, Ўзбекистон Миллий кутубхонаси ахборот-кутубхона ўз фаолияти бўйича  ҳар йили анъанавий “Central Asia: Фан, таълим, маданият ва бизнесда интернет ва ахборот-кутубхона ресурслари” мавзусида халқаро анжуман ўтказиб келади.

«Анжуман, асосан, Мустақил Давлатлар Ҳамдўстлигига аъзо давлатларнинг гуманитар ҳамкорлигига қаратилган. Россия Федерациясидан келган иштирокчилар соҳадаги муаммолар, кутубхоначи кадрлар масалалари, кутубхоналарда илмий-методик фаолият ҳолати, илмий фаолият юритишда жаҳон ахборот ресурсларидан фойдаланишнинг юзасидан мулоҳазаларини алмашадиган бўлса, Қирғизистон, Озарбайжон, Арманистон, Туркия, Қозоғистон, Россия, Тожикистон, Белорусь,  АҚШ, Нидерландия, Литвадан соҳа мутахассислари онлайн иштирок этиш истагини билдирган. Дастур доирасида китобхонлик масалалари, кутубхоначилик олдида турган истиқболдаги вазифалар ҳамда соҳада ўз ечимини кутаётган масалаларга бағишланган илмий шўъбалар, амалий семинарлар, маҳорат дарслари онлайн ва офлайн ташкил этилади»,-деди Умида Тешабоева.

Озарбaйжон Миллий кутубхонаси директори Керим Тахиров, Назарбоев университети кутубхонаси директори ўринбосари Пётр Лапо, Россия Миллий кутубхонаси бош директори Владимир Гронский сўзга чиқиб, Халқаро конференция ва Ҳамдўстлик форумининг ахборот-кутубхона, архив иши ҳамда нашриётлар фаолиятини янада ривожлантиришдаги аҳамияти, аҳоли, айниқса, ёшлар ўртасида китоб мутолааси ва китобхонлик маданиятини оширишда ўзаро ҳамкорликни кенгайтиришда зарурий майдон эканлигини таъкидлашди.

Анжуман доирасида Россия Миллий кутубхонаси ва Абу Али ибн Сино номидаги Бухоро ахборот-кутубхона маркази ўртасида ўзаро ҳамкорлик меморандуми имзоланди.

Шунингдек, Россия миллий кутубхонаси фондида сақланаётган Бухоро амирлиги тарихига оид адабиётларнинг электрон версияси Бухоро АКМга совға қилинди ҳамда Халқаро конференция доирасида ушбу адабиётларнинг тақдимоти бўлиб ўтиши маълум қилинди.

Матбуот анжумани иштирокчилари Россия Миллий кутубхонаси билан таништирилди. Унда Ўрта Осиё ва Шарқ мамлакатларининг узоқ йиллик тарихига оид ноёб дурдоналарнинг асл нусхалари сақланаётгани, бошқа халқлар маданияти ва тарихига эҳтиром рамзи сифатида бу ноёб китоблар кўз қорачиғидек асралаётгани хусусида сўз боргани журналистлар ўртасида мунозараларга сабаб бўлди.

Журналистнинг ушбу ҳамдўстлик анжумани нафақат, Бухоро, Ўзбекистон, балки Ўрта Осиё тарихига оид адабиётларнинг электрон версиясигина эмас, балки Россия Миллий кутубхонасидан сақланаётган шу тарихий ноёб дурдоналарнинг мамлакатга қайтарилишига ҳам салмоқли таъсир кўрсатиши кераклиги хусусидаги саволи Россия Миллий кутубхонаси бош директори Владимир Гронский томонидан илиқ қаршиланса-да, қуйидагича жавоб топди: “Ҳа, ушбу асарлар, ноёб дурдоналарда сизнинг буюк тарихингиз мужассам. Аммо бу китоблар қайсидир шахсники ёки кутубхонаники, ҳатто, маълум бир давлатники ҳам эмас. Шу боис, бу ноёб дурдона асарлар – китобларни қайтар олмаймиз, чунки бу хазина. Бугунги давр талабига мувофиқ, Россия Миллий кутубхонасидаги барча ноёб ва қадимий китоблар электрон нусхага кўчирилган. Биз буларнинг барини тақдим этамиз”,- деди Владимир Гронский.

Шунингдек, у журналистнинг “Россия ва Украина ўртасидаги қуролли можаролар жаҳон ноёб дурдоналари сақланаётган Миллий кутубхонанинг эртанги кунини хавотирга қўймаслигига кафолат борми?!”мазмунидаги саволига: “Хавотирга ўрин йўқ, биз уларни кўз қорачиғидек асраймиз. 1941-1945-йиллардаги урушнинг оловли майдонларидан қандай олиб чиқилган бўлса, у китоблар ҳам худди шундай авайланади. Аввало, жаҳоннинг улкан хазинасига айланаётган Миллий кутубхонамизни балолардан Яратганнинг ўзи асрасин!”-деди Владимий Гронский.

Халқаро анжуман ўз ишини давом эттиради.

Мутолаа вақти

Маҳтумқули ижодидан

Машҳур туркман шоири ва мутафаккири Маҳтумқули- туркман адабиёти, маданияти ривожига улкан ҳисса қўшган талант соҳиби. У шоир Озодий Давлатмамат оиласида 1733-йилда туғилиб, бошланғич саводни овул мактабида олган. Сўнг ўз илмини ошириш мақсадида Хива, Бухоро ва Андижон мадрасаларида таҳсил олиб, ўзбек адабиётининг ўтмиш намоёндолари асарлари билан яқиндан танишган.  Batafsil Маҳтумқули ижодидан →

Dolzarb mavzu

JAHOLATGA QARSHI MA’RIFAT:  OAV NIGOHIDA

Terrorizm — butun jamiyat hayotiga xavf tug’diruvchi, uning botqoqqa botib qolishiga sabab bo‘luvchi qonli tahdiddir. Bunday siyosiy nifoq va qonli ziddiyatlarni keltirib chiqaruvchi oqimlar dunyo hamjamiyati uchun hanuzgacha asosiy muammolardan biri bo‘lib qolmoqda. Insoniyat hamon diniy mutaassiblik, radikalizm, zo‘ravonlik va terrorizm kabi inson ongi va shuurini zabt etishga qaratilgan xurujlaridan aziyat chekibgina qolmasdan, zararli oqimlarning ko‘payishiga sabab ham bo’lyapti. Aholi orasidagi diniy qatlamning radikallashuvi ularni zo‘ravonlikka undaydi hamda tinchlik, xavfsizlik, jamiyat va inson huquqlarining barqaror rivojlanishiga to‘sqinlik qiladi.

Hozirgi vaqtda biror-bir davlat jangovar ekstremizm va terrorizm oqibatlaridan to‘liq himoyalangan emas. Ko‘plab davlatlarda hozirgacha yuqori darajadagi terror xavfi saqlanib qolmoqda. Zo‘ravon ekstremistlar tomonidan amalga oshirilgan terrorchilik holatlari jamoalar o‘rtasida nizo urug‘ini yoyilib, ksenofobiya, islomofobiya va jamiyatda qarama-qarshi ekstremistik qarashlarning tarqalishiga yordam bermoqda.

Terrorizm va ekstremizmga, shu jumladan, diniy ekstremizmga qarshi kurashish sohasida ijtimoiy muloqotning eng muhim vositasi ommaviy axborot vositalaridir. OAV aholini ushbu tahdidlar haqida o‘z vaqtida xabardor qila oladi.

Hozirgi kunda OAV va blogerlar jamiyatning ijtimoiy-siyosiy hayotida muhim o‘rin tutib, yurt taraqqiy etishi yo‘lida fidoyilik namunalarini o‘rsatib kelishmoqda. Jurnalistlarning odob-axloq kodeksida qayd etilganidek, siyosatchilar kabi OAV ham jamiyatda kechayotgan jarayonlar uchun mas’uldir. Ular milliy xavfsizlikni mustahkamlash, ijtimoiy, qolaversa, davlat va jamiyat o‘rtasidagi munosabatlarni barqarorlashtirishga ko‘maklashishi lozimdir.

Joriy yilning 18-19-may kunlari “Ziddiyatli vaziyatlarda sezgir jurnalistika: jamiyatda radikallashuv va terrorizm xavfini kamaytirish vositasi sifatida” mavzusida seminar-trening bo‘lib o‘tdi. Ushbu treningda 24 nafardan ortiq mahalliy ommaviy axborot vositalari, fuqarolik jamiyati vakillari hamda blogerlar faol ishtirok etishdi. Seminar ish doirasida sharif shahar me’moriy obidalariga sayohat, Buxoro shahridagi “Siyavush” mehmonxonasida seminar, davra suhbati va debatlar uyushtirildi.

Xususan, viloyat televideniyesida bo‘lib o‘tgan mehmonlar hamda ommaviy axborot vositalari xodimlari, faol talaba yoshlar ishtirokida kechgan suhbat har ikki tomon uchun manfaatli bo‘ldi. Nargis Qosimova hamda Nodira Alimova kabi trenerlar tomonidan bilim va ko‘nikmalar berilgani biz kabi yosh urnalist va blogerlar uchun ayni muddao bo‘ldi.

Seminar ishi doirasida bildirilgan o‘rinli va istiqbolli g‘oyalar tez kunlarda amalga oshishi hamda jurnalistlarning faol fuqarolik pozitsiyasi bo‘y ko‘rsatishiga umid bog‘ladik.

 

Dilnavoz TO‘XTAYEVA,

Nafosat TOTLIYEVA,

Buxoro davlat universiteti jurnalistika ta’lim yo‘nalishi talabalari

Nigoh, Фикр

O’ZBEKISTON-IJTIMOIY DAVLAT

So‘nggi yillarda erishgan yutuqlarimizni, xususan, iqtisodiyot, inson huquqlari, odil sudlov, so‘z va e’tiqod erkinligi, ijtimoiy himoya sohalaridagi yuzlab cheklovlarning olib tashlangani, naqd pul, valyuta, kredit masalalaridagi muammolar hal qilinganining konstitutsiyaviy himoyasini ta’minlash zarur. Bu yutuqlar, huquq va erkinliklardan nafaqat hozirgi, balki kelajak avlodlarimiz ham emin-erkin foydalanishi uchun, ularni, albatta, Konstitutsiyada muhrlab qo‘yish talab etilmoqda.

Bugungi suhbatdoshimiz-Buxoro davlat universiteti, “Yurisprudensiya va ijtimoiy-siyosiy fanlar” kafedrasi dotsenti Teshayev Nutfullo Nasrullayevich.

Aytingchi?  Referendum nima?  Ushbu jarayonning mohiyati nimada? 

“Referendum” davlat ahamiyatiga ega bo‘lgan muhim masalalar bo‘yicha o‘tkaziladigan va ba’zan qonunlar qabul qilish uchun asos bo‘lib xizmat qiladigan umumxalq so‘rovi, ovoz berish yo‘li bilan xalq fikrini aniqlashdir.

Yangi tahrirdagi Konstitutsiya O‘zbekiston jamiyatining evolyutsion rivojlanishidan kelib chiqayotgan hayotiy zarurat bo‘lib, bu ish mamlakat, millat va xalq sifatida keyingi qadamlarimizni aniqlab olishimiz uchun g‘oyat ahamiyatli masala, adolatli jamiyat qurish yo‘lidagi ulkan qadamdir.

Konstitutsiyaning yangi matnini olim-u mutaxassislar tomonidan faqat kabinetlarda o‘tirib yaratilmadi. Balki, dastavval ikki bosqichda xalqimizning fikri, takliflari o‘rganildi, shundan so‘nggina Konstitutsiya loyihasi tayyorlandi. Avvallari esa Konstitutsiya qabul qilishda dastlab loyiha ishlab chiqilib, keyin xalq muhokamasiga qo‘yilardi.

O‘zbekiston Respublikasida “O‘zbekiston Respublikasining referendumi to‘g‘risida”gi Qonun dastlab 1991 yil 18 noyabr kuni qabul qilingan bo‘lib, mazkur Qonun yillar davomida xalqaro tajribani, qolaversa, O‘zbekiston Respublikasida orttirilgan amaliy tajribalarni inobatga olgan holda 2001 yil 30 avgust kuni yangi tahrirda qabul qilingan. Referendum to‘g‘ridan-to‘g‘ri, tinchlik va erkin ovoz berish prinsiplariga amal qiladi va 18 yoshga to‘lgan har bir fuqaro referendumda ovoz berish huquqiga ega.

Referendumda kimlar ishtirok etadi va ovoz berish tartiblari haqida sizning fikrlaringiz qanday? 

Referendumda barcha 18 yoshga to‘lgan fuqarolar ovoz berish huquqiga ega bo‘lib, referendumda fuqarolar tomonidan yashirin ovoz berish xonasida anketa to‘ldiraladi va bu vaqtda ovoz beruvchining yonida hech kim bo‘lmasligi shart.                        Referendumni mustaqil ravishda to‘ldirish shakliga ega bo‘lmagan fuqaro o‘z xohishiga ko‘ra,referendum o‘tkazuvchi komissiya tarkibiga kirgan shaxslardan,kuzatuvchilardan boshqa biron kishini kabina yoki xonaga taklif qilishga haqlidir.

Yangilanayotgan Konstitutsiyada inson huquqlari,ularning manfaatlari uchun qanday o‘zgarishlar mavjud? 

Yangilanayotgan Konstitutsiyada moddalar soni 128 tadan 155 taga, xuquqiy normalar soni 275 tadan 434 taga ko‘paygani va ko‘p uchraydigan 20 turdagi kasalliklar bo‘yicha birlamchi bo‘g‘indagi bepul analiz turlari – 15 tadan 25 tagacha, tekshiruvlar – 10 tadan 20 tagacha, dorilar – 64 tadan 90 taga oshirilganligi har bir fuqaroni quvontiradi. Loyihada asosiy qonunlarimizning 65 foiz matni xalqimiz takliflari asosida yangilandi. Bugungi kunda mamlakatimizda inson huquqlari, erkinliklari va qonuniy manfaatlarini himoya qilish, bu borada konstitutsiyaviy-huquqiy, qonunchilik, institutsional va amaliy kafolatlarni mustahkamlash yo‘lidagi tub yangilanish islohotlari izchil davoAhamiyatlisi shundaki, yangilanayotgan Konstitutsiya loyihasida O‘zbekiston – huquqiy davlat, deb belgilanmoqda. Jumladan, inson huquq va erkinliklarini ta’minlash davlatning oliy maqsadi, deya e’lon qilinmoqda. Binobarin, inson huquqlariga oid konstitutsiyaviy normalar soni 3 baravardan ortiqqa oshib boryapti. Yana bir narsani ta’ kidlashim joizki, Konstitutsiyada davlatning o‘qituvchilar sha’ni va qadr-qimmatini himoya qilish, ularning ijtimoiy va moddiy farovonligi, kasbiy jihatdan o‘sishi to‘g‘risida g‘amxo‘rlik qilish majburiyati kuchaytirilyapti. Bu qoidalar mamlakatimizdagi 685 ming nafardan ortiq o‘qituvchilarning professional o‘sishi hamda ijtimoiy va moddiy qo‘llab-quvvatlanishi ularning jamiyatdagi ijtimoiy maqomi, obro‘sini yanada oshirishga xizmat qilishi meni men kabi o‘qituvchilarni suyuntirdi deydi suhbatdoshimiz.

Biz yurtimizda bo‘lib o‘tayotgan referendumga, yangilanayotgan Konstitutsiyamizga befarq emasmiz

Dilnavoz TO‘XTAYEVA,

                                                                   suhbatlashdi

Мутолаа вақти

“Пешонамдаги нур”

Тақриз

Пешонамдаги нур китоби менинг илк ўқиган бадиий асарим эди. У китоб менинг китоблар оламига муҳаббат қўйишимнинг асосий сабабчиси бўлди. Бу китоб ўзбек халқига янгилик бўлиб келди, десам муболаға бўлмайди. Сабаби бу китоб висоласи ила нечта одам муборак Ислом динини яхшироқ англади ва, ўйлайманки, ҳар бир китобдор ўзини Салжуқбейга таққослаб кўрган ва ибрат олабилган. Бу китоб Туркияда ҳам кўп марта босилган ва Меҳмет Олақошнинг энг ажойиб асари ўлароқ китобдорларнинг кўнглидан муносиб жой олишга улгурган.

Мен Меҳмет Олақошнинг “Жумали”, “Девона” китобларини мутолаа қилдим. Улар ҳам жуда ажойиб, кишини чуқур ўйлашга мажбурлайдиган китоблардир. Меҳмет Олақошнинг сўз соҳасидаги маҳоратига қойил қолмасликнинг ҳечам иложиси йўқ!

Китобнинг оқимига келсак, китоб Салжуқбейнинг пешонасида ўлдирувчи ўсимта борлигидан хабардор бўлиши билан бошланади. Унга шифокори “Ўлимингизга олти ой қолди. Умрингизнинг айшини суриб қолинг” деб тавсия беради. У машинага чиқиб, узоқ тафаккур қилади. Бу ҳақида кўп ўйлайди. Ахир болалари, суюкли рафиқасини қандай қилиб ташлаб кета олади. Ахир у бой ва кўплаб корхоналарнинг бошлиғи-ку! У шундай ўйлар билан бир неча кун юради ва тасодифан бир инсон билан танишиб қолади. У буюк Ислом динини яхши билгувчи ва насихатгўй эди. У аввал Салжуқбейга тоғут ҳақида дарс беради. Салжуқбей айни замонда яхши шогирд ва тингловчи эди. У намозни қоим қилади ва бошқа фарз-суннатларни ҳам бажо келтира бошлайди.

“Белгиланган”ўлим санаси келди, лекин у, негадир, ўлмайди. Бориб шифокор кўригидан яна ўтади. Билсаки, ўсимта мўъжизавий ҳолатда йўқ бўлибди.

Салжуқбей дейди: “Бу мен учун қўрқинчли қотил эмас, пешонамдаги нур эди. Унинг соясида улуғ ислом динига тўлиқ мусулмон ўлароқ қайтдим”.

Бу китобнинг кўп жойларини йиғлаб ўқиганман. Жуда таъсирли китоб ва тили ҳам унча қийин эмас. Ёш-у қарига бирдек тавсия қилган бўлардим.

Закияхон Абдурауф