Ромитанлик эҳтиёжманд оила фарзанларининг суннат тўйлари ўтказилди

Бухоро вилояти Ромитан туманидаги “Файз” тантаналар мажмуасида туман ҳокимлиги, Ёшлар иттифоқи туман Кенгаши ва ташаббускор тадбиркорлар кўмаги билан ижтимоий ҳимояга муҳтож, кам таъминланган оилалар фарзандларидан 18 нафарининг суннат тўйлари нишонланди. Тўйда болаларнинг ота-оналари, қариндош-уруғлари, маҳалла фаоллари, меҳнат фахрийлари ва кенг жамоатчилик вакиллари иштирок этишди.

Тўй болаларга ҳокимлик ҳамда ҳомий ташкилотларнинг совғалари ва турли мавзулардаги китоблар тўплами тантанали равишда топширилди. Санъаткорларнинг наволари даврага ўзгача файз, болалар ва уларнинг оила аъзоларига олам-олам завқ бағишлади.