Бугун Ўзбекистон ёшлари дунёнинг ҳеч бир ривожланган мамлакатлари ёшларидан кам эмас. Юрагида Ватан меҳри жўш уриб турган ҳар бир ўғил-қиз шу юрт хизмати учун доим шай, камарбаста.
Ватан тақдирига даҳлдорлик ҳисси баланд. Истиқлол ғояларига садоқати, миллий қадриятларимизга ҳурмати зиёда. Мамлакатимизда амалга оширилаётган ислоҳотлар, янгиланишу ўзгаришлар жараёнида ҳамиша пешқадам.
Юрт шаънига путур етказмоқчи бўлган ёвуз ниятли кимсалар билан ҳеч ҳадиксиз кураша олади. Ўз қўрғони мустаҳкамлиги, сарҳадлари тинчлиги учун қалқон бўлишга қодир!
Бутун дунё ҳавас қилаётган мамлакатимизнинг навқирон авлоди юрагида шундай жўшқинликни, ғайрату шижоатни ҳеч иккиланишларсиз айтиш мумкинки, мамлакатимиз бўйлаб мустақиллигимизнинг 25 йиллиги муносабати билан ўтказилаётган “Биз буюк юрт фарзандларимиз!” фестивали бера олди.
Ушбуфестивалнинг салоҳияти, улуғворлиги, минг-минглаб ёшларнинг юрагидан жой ола билганининг сабаби ҳам ана шунда!