Қизиқарли

Ачиган сутдан футболка ишлаб чиқариш технологияси яратилди

Озиқ-овқат маҳсулотларини ишлаб чиқариш соҳасида яроқсиз маҳсутлотнинг муайян улуши мавжуд. Сут ишлаб чиқариш соҳаси бу борада истисно эмас. Калифорниялик олимлар у ёки бу сабабга кўра сотилмай қолган ёки яроқсиз бўлган сут миқдорини камайтиришга қарор қилдилар. Қимматли маҳсулотни чиқиндилар билан бирга тўкиб юбормаслик учун уни кийим-кечак ишлаб чиқаришда хомашё сифатида қўллаш таклиф этилмоқда.

Калифорниянинг Ми Терро стартапи вакиллари козеин оқсилига асосланган сутни қайта ишлаш чизмасини тайёрладилар. Сигир сути таркибида оқсилнинг бир неча тури мавжуд. Козеин эса сут ачиши жараёнида ҳосил бўлади. Сутнинг ушбу қимматли қисми ферментатсия натижасида ажралади ва олинган кукундан ип олиш учун фойдаланилади.

Ученые из Калифорнии создали технологию производства футболок из прокисшего молока

Қуруқ кукунсимон козеин бир неча кимёвий препаратлар билан қайта ишловга юборилади ва козеинли ипга айланади. Олинган ипдан трикотаж матоси тайёрланиб, ундан эса футболка тикишда фойдаланилган. Лойиҳа устида иш олиб борганларнинг фикрига кўра, козеиндан ишланган мато пахтадан олинганларидан қолишмайди, айрим жиҳатлари билан улардан устун. Масалан, козеинли футболка антибактериал хусусиятларга эга, шу билан бирга, намликни ўзига сингдирмайди. Умуман олганда, бундай футболкаларни кир ювиш машиналарида ювиш ҳам мумкин. Футболканинг сифати оʻзгармайди ва ҳатто ғижим бўлмайди.

Статистикага кўра, ҳар олтинчи литр сутга талаб бўлмайди, натижада у чиқиндига ташланади. Мутахассислар янги технология мазкур вазиятни ўзгартириш ва қимматли хомашёни истеъмолчи учун қизиқарли ҳамда керакли маҳсулотга айлантириш имконини беради. Бир дона футболка ишлаб чиқариш учун 5 стакан ачиган сут етарли эканлиги айтилмоқда.

Манба:xabardor.uz